Josep Piqué
político español / From Wikipedia, the free encyclopedia
Josep Piqué i Camps, nado en Vilanova i la Geltrú, o 21 de febreiro de 1955 e finado en Madrid, o 6 de abril de 2023, foi un político, economista e empresario catalán, ministro de distintas carteiras durante os gobernos de José María Aznar, entre 1996 e 2003. Entre decembro de 2007 e agosto de 2013, foi o presidente da compañía aérea Vueling.[1] O 1 de outubro de 2013 foi nomeado conselleiro delegado e vicepresidente segundo da construtora OHL.[2] Foi o director executivo de Política Exterior, grupo editorial centrado na análise das relacións internacionais cuxo consello asesor está composto por todos os que foron ministros de Asuntos Exteriores de España.[3]