Historia de Nova Zelandia
From Wikipedia, the free encyclopedia
Nova Zelandia é unha das masas de terra máis recentemente poboadas. Os primeiros poboadores coñecidos foron os polinesios que, de acordo coa maioría dos investigadores, chegaron en canoa entre os anos 1250 e 1300 a.C.[1] Algúns investigadores suxiren que no 150 d.C. existiu outra onda de inmigrantes; anos máis tarde estes habitantes morreron ou abandonaron as illas.[2][3][4] Ao longo dos séculos seguintes, os inmigrantes polinesios crearon unha cultura distinta, agora coñecida como maorí. A poboación dividíase en iwi (tribos) e hapu (subtribos) que cooperaban, competían e, en ocasións, loitaban entre si. Nalgún momento, un grupo maorí emigrou ás Illas Chatham, onde desenvolveron unha cultura distinta, a moriori.[5][6]