Niš
From Wikipedia, the free encyclopedia
Niš (Servysk yn Syrillysk skrift: Ниш; útspr.: [ni:ʃ], likernôch: "niisj", beharkje) is de op twa nei grutste stêd fan Servje, nei de haadstêd Belgrado en Novi Sad, yn 'e Woiwodina. Niš leit oan 'e igge fan 'e rivier de Nišava, 250 km súdlik fan Belgrado, yn it súdlik sintrale part fan Servje. It is ien fan 'e âldste stêden fan 'e Balkan, dy't yn 'e skiednis fan 'e krite fan grut strategysk belang west hat. De stêd waard histoarysk beskôge as in poarte tusken East en West en hat in beskate ferneamdheid as it berteplak fan keizer Konstantyn de Grutte. Hjoed de dei is Niš it haadplak fan it omlizzende distrikt Nišava. It is in yndustry-, universiteits- en hannelsstêd mei, neffens gegevens fan 'e folkstelling fan 2011, in befolking fan krapoan 188.000 minsken.
Niš | ||
Emblemen | ||
Polityk | ||
Lân | Servje | |
Regio | Súdlik en Eastlik Servje | |
Distrikt | Nišava | |
Sifers | ||
Ynwennertal | 187,544 (2011) | |
Oerflak | 266,8 km² | |
Befolkingsticht. | 702,9 / km² | |
Stêdekloft | 260.237 (2011) | |
Hichte | 194 m | |
Oar | ||
Stifting | 279 f.Kr. | |
Tiidsône | UTC +1 | |
Simmertiid | UTC +2 | |
Koördinaten | 43°19′16″N 21°53′44″E | |
Offisjele webside | ||
www.ni.rs | ||
Kaart | ||
Lizzing yn Servje.
|