Txikipedia:Laser
From Wikipedia, the free encyclopedia
Laserra instrumentu bat da, argi izpi boteretsu bat sor dezakeena. Laser hitza laburdura bat da, laser izpi bat nola sortzen den azaltzen duten ingelesezko hitz zientifiko batzuetatik datorrena: Light Amplification by the Stimulated Emission of Radiation (“Erradiazioen igorpen kitzikatuaren bidezko argi-anplifikazioa”).
Laserrak sortzeko beharrezkoak ziren ideiak 50eko hamarkadan garatu zituzten Estatu Batuetako eta Sobietar Batasuneko zientzialariek. 1960an sortu zuen lehenengo laserra zientzialari estatubatuar batek. Ordutik, zientzialariek laser mota asko sortu dituzte.