Txikipedia:Dante Alighieri
From Wikipedia, the free encyclopedia
Dante Alighieri (edo Dante, besterik ez) XIII-XIV. mendeetako idazle, olerkari eta politiko italiar bat izan zen; italieraren aita ere bada, askoren ustez. La Divina Commedia edo Jainkotiar komedia izeneko lan bat idatzi zuen, italierazko literatura-lanik gorena eta munduko literaturako maisulanik nagusienetako bat.
👶 Jaiotza 1265 Florentzia |
💀 Heriotza 1321eko irailaren 14a Ravenna |
🔨 Lanbidea poeta |
📷 Argazkiak ikusi |
Hizkuntzalaria, pentsalari politikoa eta filosofo garrantzitsua ere izan zen, eta sakon markatu zuen ondorengo mendeetako Italiako literatura eta mendebaldeko kultura. Hainbesterainoko eragina izan zuen Italiako literaturan, non “Sommo Poeta” (poetarik gorena) ezizena jarri zioten.
Haren bizitza politikoari dagokionez, Dante Florentziako askatasunaren alde borrokatu zen. Guelfo izeneko bi talde edo alderdi zeuden aurrez aurre, elkarren aurka: Guelfo Beltzak eta Guelfo Zuriak. Haien arteko liskarren ondorioz, Dantek Florentziatik joatea erabaki eta Ravennan bizi izan zen bere heriotzera arte.