Enara ipurzuri
From Wikipedia, the free encyclopedia
Enara ipurzuria edo enara azpizuria (Delichon urbica) Hirundinidae familiako hegazti paseriformea da, Eurasia eta iparraldeko Afrikako eskualde epeletan bizi dena[1].
Datu azkarrak Iraute egoera, Sailkapen zientifikoa ...
Enara ipurzuri | |
---|---|
Iraute egoera | |
Arrisku txikia (IUCN 3.1) | |
Sailkapen zientifikoa | |
Erreinua | Animalia |
Filuma | Chordata |
Klasea | Aves |
Ordena | Passeriformes |
Familia | Hirundinidae |
Generoa | Delichon |
Espeziea | Delichon urbicum Linnaeus, 1758
|
Banaketa mapa | |
Datu orokorrak | |
Zabalera | 0,29 m |
Kumaldiaren tamaina | 5 |
Errute denbora | 15 egun |
Arrautza | |
Itxi
Sabelaldea, lepoa eta ipurtxuntxurra zuriak dira, gorputzaren gainerakoa beltza. Beste enaren modura hego luze eta zorrotzak ditu, eta isatsa laburra eta urkila formakoa. Enara arrunta baino txikiagoa da, 13 cm luze da (enara arrunta 19-20 cm) eta 20 gramo pisatzen du. Hegan doala harrapatzen ditu jaten dituen intsektuak. Euskal Herrian oso arrunta eta ugaria da. Ibilbide luzeko hegazti migratzailea da eta saldotan egiten ditu bidaiak, enarekin elkartuta batzuetan. [2][3]