نالی
شاعیری کورد / From Wikipedia, the free encyclopedia
مەلا خدر (خضر) کوڕی ئەحمەدی شاوەیسی ئاڵی بەگی میکایلی ناسراو بە نالی (١٨٠٠–١٨٥٦ز) بەردی بناغە و دامەزرێنەری خوێندنگەی شیعری بابان و لە یەکەمین و بەناوبانگترین شاعیرانی شێوەزاری کوردیی ناوەندییە.
نالی Nalî | |
---|---|
لەدایکبوون | ١٨٠٠ز گوندی خاک و خۆڵ، دەشتی شارەزوور |
مردن | ١٨٥٦ز ئەستەمبوڵ، تورکیا |
شوێنی گۆڕ | ئەستەمبوڵ، گۆڕستانی قەرەجە ئەحمەد تورکیا |
نازناو | نالی |
پیشە | شاعیر نووسەر بیرکاریزان وەرگێڕ |
زمان | کوردی عەرەبی تورکی فارسی |
نەتەوە | کورد |
کارە دیارەکان | دیوانی نالی |
ھاوسەر | زەینەب خان |
لە گوندی خاک و خۆڵ، لە دەشتی شارەزوور ھاتوەتە دنیاوە. ھەر لە تەمەنی منداڵی نراوەتە بەر خوێندن لە حوجرە. لە سەرەتاوە وردەپەرتووکی فارسی و قورئانی خوێندووە، دواتر زانستەکانی تری قورئان و فەرموودە و سەرف و نەحو و کەلام، بەلاغە، و فەلەک و فیقھ و سیرەی خوێندووە. تا خوێندنی ئەمانەی تەواو کردووە و دواتر مۆڵەتی عیلمی وەرگرتوو، لە چەندەھا شوێن وەک سنە و سابڵاخ و ھەڵەبجە و سلێمانی و لای چەندەھا مامۆستای باشی ئەو سەردەمەی خۆی خوێندویەتی. دوای تەواوبوونی خوێندنەکەی، نالی مەلایەکی باش و ڕۆشنبیرێکی گەورەی لێدەردەچێت، بێجگە لە زاراوەی دەیکی کە کوردی بووە فارسی و تورکی و عەرەبیشی بە باشی زانیوە، تەنانەت شیعریشی پێ نووسیوون.