Koronavirus
From Wikipedia, the free encyclopedia
Koronavirus[1] atawa coronavirus (istilah takanalnya: virus korona, virus corona, atawa virus Corona) adalah sagarumbungan pirus matan subpamili Orthocoronavirinae dalam kulawarga Coronaviridae wan urdu Nidovirales.[2][3] Kalumpuk pirus ngini nang kawa maulah panyakit lawan burung wan mamalia (tamasuk manusia).[4] Pada manusia, koronavirus maulah panjangkitan saluran pahinakan nang rancaknya kada parah, nang kaya salismaan, saupama sapalih tawas panyakit kaya babarapa SARS, MERS, wan COVID-19 sipatnya labih mamati'i. Manipistasi kalinis nang timbul bamacam-macam pada sapasias nang lain: pada hayam, koronavirus maulah panyakit saluran pahinakan atas, amun sapi wan babi maulah bahiraan.
Koronavirus
| |
---|---|
Orthocoronavirinae | |
Taksunumi | |
Superdomain | Biota |
Domain | Virus |
Dunia | Riboviria |
Kerajaan | Orthornavirae |
Filum | Pisuviricota |
Kelas | Pisoniviricetes |
Ordo | Nidovirales |
Famili | Coronaviridae |
Subfamili | Orthocoronavirinae |
| |
Tata ngaran | |
Sinonim takson (id) | Coronavirinae (en) |
Genus | |
| |
Koronavirus adalah pirus basalubung lawan ginum RNA utas tunggal plus wan nukleokapsid batawas hiliks simitris. Jumlah ginum koronavirus kikira antara 27–34 kilu pasangan basa, pangganalnya di antara virus RNA nang dikatahuani.[5] Ngaran koronavirus babibit matan basa Latin corona nang baarti mahkuta, nang marujuk lawan ampaian partikal pirus (virion): pirus ngini baisi pinggiran nang maingatakan lawan mahkuta atawa kuruna matahari.