Vishnu
From Wikipedia, the free encyclopedia
Si Vishnu (pagsayod: /ˈvɪʃnuː/ VISH-noo; Sanskrito: विष्णु Viṣṇu boot sabihon = the pervader (honoripiko: Bhagavan Vishnu) iyo an Supremong Diyos sa tradisyong Vaishnavite Hinduismo. An mga Smartang tagasunod nin Adi Shankara, siring kan iba, iyo sinasamba si Vishnu bilang saro sa mga limang pangenot na porma nin Diyos,[1] asin an saiyang katindogan bilang supremo iyo sinasabi sa mga sagradong tekstong Hindu siring kan Yajurveda, Rigveda asin an Bhagavad Gita.[2][3][4][5][6]
An Vishnu Sahasranama[7] iyo an nagsasabi na si Vishnu an Paramatma (supremong kalag) asin Parameshwara (supremong Diyos). Sinasabi man kaini na si Vishnu an Kagabosgaboseng essensiya nin gabos na linalang, an maestro nin nakalihis, ngunyan asin sa nuodma, an tagalikha asin tagapuho nin gabos na buhay, tagasuporta, tagapagpadanay asin tagapamahala nin Uniberso asin pinaggigikanan asin tagapag-uswag nin gabos na elementong napapalaog digdi.
Sa Puranas, si Vishnu iyo an may banal na kulor nin panganoron (madiklom na bughaw), may apat na kamot na kapot an lotus, mace, conch at chakra (ruweda). Si Vishnu iyo an nilaladawan sa Bhagavad Gita na may 'Pormang Pangyuniberso' (Vishvarupa) na dai kayang saboton nin mga tawo.[8]