Romantisismo
From Wikipedia, the free encyclopedia
An Romantisismo (inapod man na Hiron Romantiko o Romantikong panahon) sarong artistiko, literaryo, musikal asin intelektwal na hiron/mobimyento na naggikan sa Europa kan naghihinapos an ika-18ng siglo, asin sa dakul na banda kan ini kasagsagan yaon sa peryodong poon 1800 abot 1850. An Romantisismo nalaladawan sa sobrang pagduon sa emosyon asin indibidwalismo, an pagsasamba sa kapalibotan, pagduda sa syensia asin industriyalisasyon, asin an pagmumuraway kan nakaagi asin mas ginugusto an medyebal kisa an klasikal.[1] Ini sinasabi na reaksyon lamang sa Rebolusyon Industriyal,[2] sa sosyal asin politikal na mga pinagtutubdan kan Anoy nin Pagkagamiaw, asin sa syantipikong pagtataong paliwanag kan kapalibotan—mga elemento nin modernidad.[3] Ini makusog na natatala' asin naririsa sa biswal arte, musika, asin literatura, alagad may mayor na hugmak sa historiograpo,[4] edukasyon,[5] ahedres, syensia sosyal, asin sa syensia natural.[6] Ini nagkaigwa nin matagom asin komplikadong epekto sa politika, na an mga paraisip na mga romantiko naiimpluwensya an konserbatismo, liberalismo, radikalismo, asin nasyonalismo.[7]