Pag-uripon
From Wikipedia, the free encyclopedia
An pag-uripon iyo an pagsadiri sa sarong tawo bilang sarong pagrogaring, urog na kun may kinaaraman sa pagtrabaho.[1] Tipikal na an pag-uripon imbwelto an kompulsaryong pagtrabaho kaiba an lokasyon nin pagtatrabahohan kan uripon asin residensya na diniktahan kan partido na nagkakapot sainda sa pagkabugkos. An pagka-uripon iyo an pagbugtak sa sarong tawo pasiring sa pag-uripon.
Dakol na makasaysayan na mga kaso nin pagka-uripon na nangyayari bilang sarong resulta kan pagbalgar sa ley, na nagigin nagka-utang, pagsapar sa pagkadaog sa militar, o eksploytasyon para sa baratong pagtrabaho; an ibang porma nin pag-uripon instituted sa mga demograpikong linya siring kan rasa o sekso. An mga uripon posibleng magdanay sa bondage habambuhay, o para sa permanenteng peryodo nin panahon pagkatapos sinda tatàwan nin katalingkasan.[2] Minsan siring na an pag-uripon parating bakong boluntaryo asin imbwelto an coercion, igwa man nin mga kaso kun saen an mga tawo boluntaryong minalaog sa pagka-uripon tanganing mabayadan an utang o magsahod nin kwarta huli sa katikapohan. Sa kasaysayan kan katawohan, an pag-uripon tipikal na tampok kan sibilisasyon,[3] asin legal sa kadaklan na sosyedad, alagad iyan sa ngunyan bako nang batas sa dakol na mga nasyon sa kinaban, apwera bilang pagpadusa sa sarong krimen.[4][5]
An Islamikong Republika kan Mauritanya iyo an huring nasyon na opisyal na nagban kan pag-uripon.[6] Kaidong 2007, "sa irarom kan internasyunal na presyon", an saiyang gobyerno nagpasa nin batas na nagtutugot sa mga kag-uripon na kasuhan.[7] Alagad, kaidtong 2019, haros 40 milyon katawo, na 26% mga aki, sa ngunyan uripon man giraray sa bilog na kinaban maski na iligal an pag-uripon. Sa modernong panahon, labi sa 50% kan mga uripon nagtatao nin pwersahan na pagtrabaho, parating sa pabrika asin sweatshops kan pribadong sektor kan ekonomiya kan nasyon.[8] Sa mga industriyalisadong nasyon, an human trafficking sarong modernong barayati nin pag-uripon; sa bakong industriyalisadong nasyon, an pagka-uripon sa debt bondage iyo an komun na porma nin pagka-uripon sa sarong tawo, siring kan bihag na domestikong serbidor, mga tawo na pwersang ikinasal, asin mga aking soldados.[9]