Niels Bohr
From Wikipedia, the free encyclopedia
Si Niels Henrik David Bohr[1] (Oktubre 7, 1885 – Nobyembre 18, 1962) iyo sarong pisikong Danes na nagkaigwa nin mahalagang ambag sa pagkaintindi sa istraktura nin atomo asin kwantum mekaniks. Huli sa saiyang kontribusyon, naako niya an Nobel Prize sa pisikakaidtong 1922.[2] Si Bohr iyo sarong pilosopo man asin tagabusol nin makasiyensya na pag-aadal.
Binilog niya an modelong Bohr nin sarong atomo, kun sain saiyang pigheras na an mga lebel nin enerhiya sa mga elektron iyo diskreto asin an mga elektron na ini iyo nagiikot sa mga pusog na orbita sa palibot nin atomikong nukleyus pero pwedeng maglukso hali sa sarong lebel nin enerhiya (o orbita) pasiring sa saro pa. Alagad naribayan an modelong Bohr nin iba pang mga modelo, mantinido man giraray na balido an pinagbabatayang prinsipyo kaini.
Itinogdas ni Bohr an Instituto nin Panteoryang Pisika sa Unibersidad nin Copenhagen, bistado ngunyan bilang Instituto nin Niels Bohr, na nagbukas kaidtong 1920. Nagin paratukdo asin nakipagtabangan si Bohr sa mga pisikong na binabalehan ninda Hans Kramers, Oskar Klein, George de Hevesy, asin Werner Heisenberg. Hinulaan niya an pagkakaigwa nin sarong bagong elemento na garu zirconium, na pinangaranan niyang hafnium, an pangarang Latin nin Copenhagen, kun saan ini nadiskobre. Kan naghaloy, ipinangaran an elementong bohrium saiya.