Hanfu
From Wikipedia, the free encyclopedia
An hanfu (simplified Chinese: 汉服; traditional Chinese: 漢服; pinyin: Hànfú) iyo an tradisyonal na istilo nin pagbado na pigsusulot kan mga tawong Han sa Tsina. Igwa nin nagkapirang mga istilo nin hanfu, arug kan ruqun (sarong pang-itaas na bagay kaiba an halangkaw na pangluwas na bado), an aoqun (sarong pang-itaas na bagay kaiba an halabang pang-ibabang bado), an beizi (harus piot na hasta tuhod na jacket) asin an shenyi (sarong halabang, may pahan asin mahiwas na manggas),[1] asin an shanku (jacket asin pantalon).[2]
Hanfu | |||||||||||||||||||
Duwang Tsinong lalaki na nakasulot nin shenyi, saro sa mga pinakaaram na istilo kan hanfu. | |||||||||||||||||||
"Hanfu" sa Simplikado (itaas) asin Tradisyonal (irarom) na Tsinong mga karakter | |||||||||||||||||||
Pinasimpling Intsik | 汉服 | ||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|
Tradisyonal na Intsik | 漢服 | ||||||||||||||||||
Literal na boot sabihon | "Kasulotan nin Tsinong Han" | ||||||||||||||||||
| |||||||||||||||||||
Tradisyonal na an hanfu iyo pigbibilog nin bado, o sarong jacket na pigsusulot bilang sarong pang-itaas na bagay kaiba an palda na harus pigsusulot bilang pang-ibabang bado. Dugang sa pagbado, an hanfu iyo pigbabali man an nagkapirang porma nin mga palamuti, arug kan mga pigsusulot sa payo, pigsusulot sa bitis, paha, mga alahas arug kan yupei (jade pendants) asin pamaypay.[1] Sa ngunyan, an hanfu iyo nakakaguno nin rekognisyon bilang an tradisyonal na pagbado kan etnikong grupo nin Han, asin naka-eksperyensya nin paggamit liwat bilang moda sa mga joven na Tsinong Han sa Tsina asin sa mga Tsino sa luwas kan Tsina.[1][3][4][5]
Pakatapos kan dinastiyang Han, an hanfu nag-uswag pasiring sa baryenteng istilo gamit an fabrika na minasakop sa bilang nin mga kompleksong teknik kan paggibo nin tela, partikular an mga nagamit sa paggibo nin seda.[6] An hanfu naimpluwensyahan an tradisyonal na pagbado nin mga kataraid kultura, kabali na an Koreanong hanbok,[7][8][9][10] an Hapones na kimono,[11][12] an Okinawanong ryūsō (ja; zh),[13][14] asin an áo giao lĩnh sa Bietnam.[15][16]