Matsuo Bashō
From Wikipedia, the free encyclopedia
Da Matsuo Bashō (松尾 芭蕉), geboan ois Matsuo Kinsaku (松尾 金作), spoda Matsuo Chūemon Munefusa (松尾 忠右衛門 宗房)[1] (* 1644 z Akasaka, Provinz Iga; † 28. Novemba 1694 z Ōsaka) wor oana vo de berihmtasdn Dichda vo Japan. Ea guit ois da grässte Moasta vo de japanischn Kuazgedichtln, Haiku gnennt.
Da Bashō is in ana Samuraifamij zua Wejd kema. Ea hod si owa geng a militearische Laffboh entschiedn. Ea is a Wandara worn, dea wo in Weg vo Zen und in Weg vo da Dichdkunst (Kadō) studiad hod. Aus da Vabindung vo de zwoa hod a an oagna Lemsstui entwicklt. Ea hod olle philosphischn Gedankn duach oafoche Natuabuida zum Ausdruck brochd: vo de Bleamal im Fruajoar bis zu de Fläh in seina Hittn.