George Gordon Byron
britischa Dichda / From Wikipedia, the free encyclopedia
Da George Gordon Noel Byron, 6. Baron Byron (* 22. Jenna 1788 z London; † 19. Aprui 1824 z Messolongi, Griachaland), bekannt ois Lord Byron, wor a englischa Dichda und a fiarenda Vatreda vo da Romantik. Ea guit ois da berihmtasde britische Poet und hod bis heit an groussn Einfluss. In Griachaland wead a aussadem ois Nationalhejd gfeiad, wei ra am Befreiungskampf geng de Osmanen teignomma hod.[1]
As Weak vom Byron wead da enlischn Spodromantik zuwezejt. De wead aa Schwoarze Romantik oda Negative Romantik gnennd, weis oidheabrochde Struktuan oblehnt. Seine Hejdn san leidnschoftliche, egozentrische Oanzlgänga. Da „Byronic Hero“ is a Aussnseita und Revoluzza. Dabei gähds eam owa ned um Politik oda um de Gsejschoft sondan nua um sei Individualitet.
Da Byron hod midm Goethe an regn Briafwexl ghobt. Des Weak Manfred is vom Faust I ispiriad. Da Goethe hod im Byron posthum a literarisches Denkmoi gsezd, indem a eam in Faust II ois Euphorion aftredn hod lossn.