Attila
Avropa Hun İmperiyasının hökmdarı / From Wikipedia, the free encyclopedia
Attila[5] və ya Atilla (I minillik[1][2], Qafqaz – 453[3][4][…], Pannoniya) — türk-Hun dünyasının ən məşhur sərkərdələrindən biri. "Avropanın imperatoru" titulunu qazanmış Avropa Hun İmperiyası hökmdarı.
Attila | |
---|---|
434 – 453 | |
Əvvəlki | Rua |
Sonrakı | İlek |
Şəxsi məlumatlar | |
Doğum tarixi | I minillik[1][2] |
Doğum yeri | |
Vəfat tarixi | 453[3][4][…] |
Vəfat yeri | |
Vəfat səbəbi | boğulma |
Fəaliyyəti | qəbilə lideri[d] |
Atası | Muncuq Xan |
Həyat yoldaşları | |
Uşaqları | |
Hərbi xidmət | |
Döyüşlər | |
Vikianbarda əlaqəli mediafayllar |
Attilanın atası Muncuq xandır. Əmisi Rua, onu atası öldükdən sonra bozqırda tək başına yaşamağa çalışarkən tapıb və yanına gətirib. Eramızın 434-cü ilində taxta çıxan Attila, deyilənə görə, İdil (Volqaboyu) türkləri nəslindəndir. Müasirləri onun orta boylu, enli kürəkli, qara saçlı olduğunu yazır. Güclü natiqlik qabiliyyətinə malik olub. Sadə həyat tərzi sürən Attila qonaqpərvərliyi ilə də seçilib.
Avropa qitəsinin üçdə ikisindən çoxuna hakim oldu və dövlətin sərhədlərini Asiyaya qədər genişləndirdi. Hökmdarlığı boyunca ordusu ilə Qərbi və Şərqi Roma (bax Bizans) imperiyalarını tez-tez istila edən Attila, Orta əsr salnamələrində qəddarlığı ilə xatırlanır. Bu səbəblə də Avropa mənbələrində "Tanrının Qamçısı" (ing. Scourge of God; it. Flagello di Dio; fr. Fléau de Dieu; lat. Flagellum Dei) olaraq adlanır, amma Macar və Türk mənbələrində adından hörmətlə bəhs edilir.