Álvaro Arias
llingüista asturianu / From Wikipedia, the free encyclopedia
Álvaro Arias (1969, Uviéu) ye un llingüista ya hispanista asturianu especializáu nel ámbitu de la fonoloxía, la morfoloxía y la dialeutoloxía. Profesor de la Universidá d'Uviéu nel Departamentu de Filoloxía Española,[1] cuenta con más d'una trentena de publicaciones académiques sobre fonoloxía y gramática, tantu dende una perspeutiva teórica (predominantemente funcionalista) como dialeutal y sociollingüística, con especial atención al español, al gallegu y al asturianu.[2] Tamién publicó estudios d'historiografía llingüística y rescatáu y editáu lliteratura n'asturianu de los sieglos XVIII y XIX.[3]
Álvaro Arias | |
---|---|
Vida | |
Nacimientu | Uviéu, 1969 (54/55 años) |
Nacionalidá | España |
Estudios | |
Llingües falaes | castellanu |
Oficiu | llingüista |
Emplegadores | Universidá d'Uviéu |
personales.uniovi.es… | |
Dende 2007 ye'l coordinador de la Universidá d'Uviéu del Proyeutu pal estudiu sociollingüísticu d'español d'España y d'América (PRESEEA), que lleva a cabu la realización del corpus oral de les ciudaes d'Uviéu y Xixón.[4]
Profesor convidáu nes universidaes de L'Habana, Oxford, Ratisbona, Nacional de Costa Rica y Brno, realizó, amás, curties estancies como profesor visitante en más d'una docena d'universidaes europees.
Premiu Dámaso Alonso d'Investigación Filolóxica en 1999,[5] recibió tamién otres distinciones polos sos trabayos.[6]