Alemaña
estáu d'Europa / From Wikipedia, the free encyclopedia
Alemaña[41] (alemán: Deutschland), oficialmente República Federal d'Alemaña ye un país d'Europa central que forma parte de la Xunión Europea. Llenda pel norte col mar del Norte, Dinamarca y el mar Bálticu; al este con Polonia y la República Checa; al sur con Austria y Suiza, y al oeste con Francia, Luxemburgu, Bélxica y los Países Baxos. El territoriu d'Alemaña abarca 357.021 km² y tien un clima templáu. Con más de 82 millones d'habitantes, representa la mayor población ente los estaos miembros de la Xunión Europea y ye'l llar del tercer mayor grupu d'emigrantes internacionales.
Alemaña | |||||
---|---|---|---|---|---|
estáu soberanu | |||||
| |||||
Himnu nacional |
himno nacional de Alemania (es) | ||||
Alministración | |||||
Nome oficial | Bundesrepublik Deutschland (de) | ||||
Capital | Berlín (dende 3 ochobre 1990) | ||||
Forma de gobiernu |
República Federación república parlamentaria federal (es) República parllamentaria | ||||
Presidente d'Alemaña | Frank-Walter Steinmeier (dende 19 marzu 2017) | ||||
Canciller Federal d'Alemaña | Olaf Scholz (dende 8 avientu 2021) | ||||
Llingües oficiales | alemán | ||||
División | |||||
Rellaciones diplomátiques |
ver
| ||||
Miembru de |
ver
| ||||
Xeografía | |||||
Coordenaes | 51°N 10°E | ||||
Superficie | 357587.77 km² | ||||
% agua | 2,416% | ||||
Costes | 2.389 km | ||||
Llenda con | 3.621 km | ||||
Puntu más altu | Zugspitze (es) | ||||
Puntu más baxu | Neuendorf-Sachsenbande (es) | ||||
Demografía | |||||
Población | 84 358 845 hab. (31 avientu 2022) | ||||
Densidá | 235,91 hab/km² | ||||
Xentiliciu |
alemán (masculín singular) alemana (femenín singular) | ||||
Esperanza de vida | 80,8 años | ||||
IDH | 0,942 (2021) | ||||
Tasa de fertilidá | 1,39 (2014) | ||||
Economía | |||||
Moneda | euru | ||||
PIB nominal | 4 121 200 000 000 € (2023) | ||||
Bancu central | Deutsche Bundesbank (es) | ||||
Más información | |||||
Dominiu d'Internet | .de | ||||
Códigu telefónicu | +49 | ||||
Códigu ISO | 276 / DEU / DE | ||||
Estaya horaria | UTC+01:00, UTC+02:00, Europa/Berlin (es) , Hora central europea y CEST | ||||
deutschland.de, verwaltung.bund.de, service.bund.de y bund.de | |||||
Les pallabres alemán y Alemaña provienen del llatín y yeren utilizaes na antigüedá polos romanos pa nomar a los alamanes —nun ye lo mesmo qu'alemanes—, el pueblu xermánicu más averáu al territoriu del Imperiu Romanu. D'ehí foi usada pa nomar al país enteru. Amás d'alemán, ta tamién espardíu l'usu del xentiliciu xermanu, deriváu del nome con que los romanos se referíen a les tribus non romanes de la fastera central d'Europa, territoriu al que llamaben Xermaña. Dende'l sieglu X, los territorios alemanes formaron una parte central del Sacru Imperiu Romanu Xermánicu qu'avagó hasta 1806. A lo llargo del sieglu XVI, les rexones del norte del país convirtiéronse nel centru de la Reforma Protestante. Como un modernu estáu-nación, el país foi mecío en mediu de la Guerra franco-prusiana en 1871. Tres la Segunda Guerra Mundial, xebró en dos estaos a lo llargo de les llinies d'ocupación aliaes en 1949 pero reunificóse de nuevu en 1990. Foi miembru fundador de la Comunidá Europea (1957), que se convirtió na Xunión Europea en 1993. Ye parte de la zona Schengen y adoptó la moneda común europea, l'euru, en 1999.
Ye una república parllamentaria federal de selce estaos (Bundesländer). La capital y ciudá más grande ye Berlín. Ye miembru de les Naciones Xuníes, la OTAN, el G8, les naciones G4, y firmó'l Protocolu de Kioto. Ye la tercer mayor economía mundial en cuantes al PIB nominal, la primera d'Europa, y el mayor esportador de mercancíes del mundu en 2007. En términos absolutos, asigna'l segundu mayor presupuestu añal de l'ayuda al desendolcu nel mundu, mientres que los sos gastos militares ocuparon el sestu llugar. El país desendolcó un altu nivel de vida y afitó un sistema completu de seguridá social. Tien una posición clave nes decisiones europees y caltién una estrecha rellación con delles asociaciones a nivel mundial. Ye reconocida como xefa nos seutores científicu y teunolóxicu.