Xeografía de Xapón
From Wikipedia, the free encyclopedia
Xapón ye un archipiélagu estratovolcánico compuestu por 374 744 km² d'islles y 3091 km² d'agua y conformáu por más de seis mil islles que s'estienden a lo llargo de la mariña asiática esti del océanu Pacíficu y nos archipiélagos de Ryukyu, Izu y Ogasawara.[1] Según el censo de 2005 tien 127,55 millones d'habitantes.[2] El país ta allugáu al nordeste de China y de Taiwán (separáu pol mar de China Oriental), llevemente al este de Corea (separáu pel mar del Xapón) y al sur de Siberia, Rusia. Los cuatro islles principales, de norte a sur, son Hokkaidō, Honshu, Shikoku y Kyushu. La islla d'Okinawa (600 km al suroeste de Kyushu) sígue-yos en magnitú. Cerca del 73 % del país ye montascosu, cada islla cunta cola so cadena montascosa. El monte más altu ye'l Monte Fuji (Fujisan), de 3776 m d'altor y síguelu Kitadake, con 3193 m d'altor. Por cuenta de que esiste tan pocu terrén llanu en Xapón, munches llombes y fasteres son aprovechaes na so totalidá pal cultivo. Como s'atopa asitiada nuna zona de muncha actividá volcánica resulten frecuentes temblones de pequeña magnitú y actividá volcánica ocasional. Terremotos destructivos asoceden delles vegaes cada sieglu, resultando de cutiu en tsunamis.[3]
Xeografía de Xapón | ||
---|---|---|
Llocalización | ||
Continente | Asia | |
Rexón | Asia del Oeste | |
Carauterístiques xeográfiques | ||
Superficie | 377 835 km² | |
99,18 % km² (tierra) | ||
0,82 % km² (agua) | ||
Llinia de costa | 29 751 | |
Puntos estremos | ||
Puntu más altu | 3776 m (Monte Fuji) | |
[editar datos en Wikidata] |