WR 20a
From Wikipedia, the free encyclopedia
WR 20a (UBV M 40466) ye un sistema estelar na constelación de Carina. Ta acomuñáu al cúmulu estelar Westerlund 2, asitiáu a unos 7,9 kilopársecs de distancia del Sistema Solar. Anque la so magnitú aparente ye namái de +13,45, ye una de les estrelles más masives que se conocen. El nome de WR 20a provién del Catalog of Galactic Wolf-Rayet Stars de K. van der Hucht.
WR 20a | |
---|---|
estrella binaria, binaria eclipsante[1] y near-IR source (en) [1] | |
Parte de | Westerlund 2 (es) |
Datos d'observación | |
Ascensión reuta (α) | 155,99171931938 °[2] |
Declinación (δ) | −57,76359368563 °[2] |
Distancia a la Tierra | 4329,004 pc |
Magnitú aparente (V) | 13,5 (banda V) |
Constelación | Carina |
Parallax | 0,231 mas[2] |
Tipu espectral | O3If*/WN6+O3If*/WN6[3] |
Otros nomes | |
Ver llista
| |
WR 20a ye la segunda estrella más masiva que la so masa foi midida direutamente, solamente destronada apocayá pol descubrimientu de NGC 3603 A1. Ye una estrella binaria que les sos componentes son dos estrelles de Wolf-Rayet de tipu espectral WN6h, con un periodu orbital de 3,686 díes. Contrariamente a numberoses estrelles supuestamente más masives, la masa de dambes componentes foi midida por velocidá radial al conocer les principales carauterístiques orbitales, según pol estudiu de la curva de lluz de les sos eclises, qu'apurre l'últimu parámetru que ye l'ángulu d'enclín del sistema. Esti métodu ye l'únicu que dexa midir direutamente la masa d'una estrella. Lo destacable de WR 20a ye que non yá la masa de la estrella principal ye de 83 mases solares, sinón que que la estrella secundaria tien una masa equivalente.