W. C. Fields
From Wikipedia, the free encyclopedia
William Claude Dukenfield, mundialmente conocíu como W. C. Fields (29 de xineru de 1880, Darby (es) – 25 d'avientu de 1946, Pasadena), foi un comediante, malabarista y actor estauxunidense.
W. C. Fields | |
---|---|
Vida | |
Nacimientu | Darby (es) , 29 de xineru de 1880[1] |
Nacionalidá | Estaos Xuníos |
Llingua materna | inglés |
Muerte | Pasadena, 25 d'avientu de 1946[1] (66 años) |
Sepultura | Forest Lawn Memorial Park |
Familia | |
Padre | James Lydon Duckenfield |
Madre | Kate Spangler Fenton |
Pareyes | Carlotta Monti |
Estudios | |
Llingües falaes | inglés[2] |
Oficiu | actor de cine, actor de teatru, actor, comediante, cabaretista, guionista, artista de circu, direutor de cine |
Premios | |
Creencies | |
Relixón | ateísmu |
IMDb | nm0001211 |
wcfields.com | |
Fields creó unu de los personaxes risibles más importantes de la primer metá del sieglu XX: un misántropu qu'odiaba a neños, perros y muyeres («anque fueren el tipu equivocáu de muyeres»), un egoísta ciegu a les sos propies falles, ya interesante borrachu.
Esta carauterización qu'él amosaba en películes y radio yera tan fuerte que xeneralmente se la identificaba col mesmu actor. Tamién los estudios de cine (Paramount y Universal) calteníen esti estereotipu nos sos departamentos de publicidá y na biografía qu'escribió Robert Lewis Taylor en 1949, W. C. Fields, His Follies y Fortunes. Recién en 1973, cuando'l so nietu Ronald Fields publicó W. C. Fields by Himself (W. C. Fields por sigo mesmu), con cartes, semeyes y notes personales del actor, demostróse que Fields taba casáu, que sofitó financieramente al so fíu y amaba a los sos nietos.
Sicasí había daqué de verdá nel so personaxe misantrópicu. L'actriz Madge Evans —qu'apaeció en munches películes de los años trenta y más tarde casóse col guionista Sidney Kingsley (ganador del Pulitzer)— cuntó-y a un visitante en 1972 que'l so amigu Fields sentíase tan fondamente resentíu coles intrusiones a la so privacidá que provocaben los turistes interesaos que oteaban dende la sienda de la so casa en Los Angeles, que s'escondía tres los arbustos y disparábalos a les piernes con una pistola d'aire estruyíu. Groucho Marx cuntó la mesmu nel so discu en direuto An Evening with Groucho.