Segunda guerra de los Balcanes
From Wikipedia, the free encyclopedia
La segunda guerra balcánica foi un curtiu conflictu qu'enfrentó nel branu de 1913 a Bulgaria colos sos antiguos aliaos de la Lliga Balcánica, Rumanía y l'Imperiu otomanu, del que salió ganada.[10] La guerra llevó a un nuevu tratáu de paz, el Tratáu de Bucuresti,[10] que modificó la repartida territorial alcordáu nel recién Tratáu de Londres que punxera fin a la primer guerra balcánica na que la Lliga ganara a los otomanos.[4]
Segunda guerra de los Balcanes | ||||
---|---|---|---|---|
Parte de Guerres de los Balcanes | ||||
Fecha | 29 xunu 1913 → 10 agostu 1913 | |||
Llugar | Península de los Balcanes | |||
Causes | Ataque de les fuercies búlgares en Macedonia contra les serbies y grieges. | |||
Resultáu | Victoria aliada | |||
Consecuencies |
Tratáu de Bucuresti (1913) Tratáu de Constantinopla (1913) | |||
Belixerantes | ||||
| ||||
Figures polítiques | ||||
| ||||
Comandantes | ||||
Fuercies en combate | ||||
| ||||
Baxes | ||||
| ||||
[editar datos en Wikidata] |
Los combates duraron trenta y tres díes y empezaron con una ofensiva búlgara que llueu dio pasu a contraofensives serbies y grieges. La intransixencia territorial búlgara, que nun s'avieno a aceptar la posesión griega de Salónica pa caltener la so alianza con Grecia, nin a dexar la Dobruya meridional pa evitar l'ataque rumanu que decidió la guerra, facilitaron la so derrota final.[11] Anque los búlgaros llograron contener finalmente casi toles meyores serbo-griegos, la entrada nel conflictu de Rumanía primeru y del Imperiu otomanu más tarde garantizó la so derrota. El Gobiernu de Sofía nun s'aseguró tampoco'l sofitu decidíu de Rusia, que podía evitar los ataques de rumanos y otomanos.[11] Tampoco cuntó col respaldu de les potencies, perdíu pol ataque a los sos antiguos aliaos que desencadenó la guerra.[12]
La guerra acabó con una repartida territorial principalmente favorable a los vencedores: Serbia llogró'l gruesu de la Macedonia septentrional, Grecia de la meridional (incluyendo Salónica),[13] Rumanía la Dobruja meridional[14] y l'Imperiu otomanu Tracia oriental con Adrianópolis.[14] Bulgaria, a pesar de considerar la guerra como una catástrofe, llogró una pequeña parte de Macedonia, la Tracia occidental y territorios al sur de los montes Ródope.[15]
Militarmente, Serbia quedó como la principal potencia rexonal xunto con Rumanía, ente que políticamente foi la única nación cercana a Rusia tres l'alloñamientu de Bulgaria, insatisfecha cola actitú rusa mientres l'enfrentamientu.[16] La dependencia rusa de Serbia nos Balcanes pa caltener la so influencia foi un factor importante nel desencadenamiento de la Primer Guerra Mundial un añu más tarde, nel branu de 1914.[16]