Rosa Díez
política española / From Wikipedia, the free encyclopedia
Rosa María Díez González (27 de mayu de 1952, Gueñes) ye una política española. Foi diputada nel Congresu de los Diputaos dende 2008 hasta 2016.[6]
Ye cofundadora del partíu Unión, Progresu y Democracia (UPyD) del que foi tamién vocera dende la so creación hasta xunetu de 2015. Hasta 2007 foi militante del Partíu Socialista Obreru Español, partíu col que llegó a ser diputada foral de Bizkaia, parllamentaria del Parllamentu Vascu, conseyera del Gobiernu Vascu (1991-1998) y europarllamentaria (1999-2007).
Cuando yera militante del PSOE, s'autodefinía n'esclusiva como socialdemócrata.[7] Sicasí, evolucionó hasta proclamase tanto de la tradición socialdemócrata como de la tradición lliberal[8] y, consecuentemente, defínese a sí mesma cuando yera la vocera d'UPyD como una política social lliberal que sofita la economía de llibre mercáu, les llibertaes individuales y l'Estáu del bienestar.[9] Amás, proclámase partidaria de la llaicidá entendida como'l respetu a toles creencies relixoses, a esceición del islam y cualesquier otra relixón que nun sía respetuosa col Estáu de drechu.[10] Tamién, declárase patriota española[11] y republicana a pesar de convivir bien con una monarquía parllamentaria que, sometida a la Llei de Tresparencia, sía garante de la unidá y soberanía de la nación española.[12][13]