Real Valladolid Club de Fútbol
Club de fútbol español / From Wikipedia, the free encyclopedia
El Real Valladolid Club de Fútbol ye un club de fútbol español entamáu como sociedá anónima deportiva de la ciudá de Valladolid, na comunidá autónoma de Castiella y Llión, y que na temporada 2016/17 milita en Segunda División.[1][2] Foi fundáu'l 20 de xunu de 1928, frutu de la fusión de los dos clubes más importantes de la ciudá, el Club Deportivo Español y la Real Unión Deportiva.[3] Los colores qu'identifiquen al club son el violeta y el blancu, utilizaos en forma de rayes verticales nel so uniforme titular dende la so fundación.[4] Dende 1982 xuega como llocal nel Estadiu José Zorrilla, de propiedá municipal, y con capacidá pa 26 512 espectadores.[5]
Real Valladolid Club de Fútbol | ||||
---|---|---|---|---|
Situación | ||||
Estáu | España | |||
Datos | ||||
Tipu | club de fútbol | |||
Fundáu en | 1928 | |||
Propietariu | Ronaldo | |||
Entrenador | Paulo Pezzolano (es) | |||
Categoría | Segunda División d'España | |||
Instalaciones | ||||
Estadiu | Estadio José Zorrilla (es) | |||
Dueñu de | Ronaldo | |||
Uniforme | ||||
| ||||
Web oficial | ||||
Cuenta na so palmarés con un únicu troféu de gran relevancia, la sumida Copa de la Lliga de 1983/84.[3] Foi subcampeón de la Copa del Rei en dos causes (1949/50 y 1988/89), y participó en dos ediciones de la Copa de la UEFA (1984/85 y 1997/98) y una de la tamién sumida Recopa de la UEFA (1989/90). Amás tamién ganó la Copa Federación 52/53 y foi subcampeón na 44/45.[3] El so equipu filial, el Real Valladolid Club de Fútbol "B", milita anguaño en Segunda División B.[6]
Ye'l club de fútbol más importante de Castiella y Llión por palmarés y historia, con un total de 42 temporaes en Primer División, 34 en Segunda y 9 en Tercer.[7] Históricamente, ye'l decimotercer meyor equipu d'España.[7][8] Dos de los sos xugadores alzáronse col Troféu Pichichi, Manuel Badenes y Jorge da Silva, y diez fueron internacionales cola seleición española.[7]