Pedro de Lucuce
militar asturianu (1692–1779) / From Wikipedia, the free encyclopedia
Pedro de Lucuce (21 de payares de 1692, Avilés – 20 de payares de 1779) foi un científicu, militar y matemáticu asturianu.
Pedro de Lucuce | |
---|---|
Vida | |
Nacimientu | Avilés, 21 de payares de 1692[1] |
Nacionalidá | España |
Muerte | 20 de payares de 1779[1] (86 años) |
Estudios | |
Llingües falaes | castellanu |
Oficiu | militar, inxenieru, matemáticu |
Graduación | xeneral |
Nació n'Avilés, llugar nel que pasó la so infancia y mocedá. Estudió Llatinidá na Villa d'Avilés y Humanidaes na Universidá d'Uviéu.
En 1710 abandona la carrera de Teoloxía recién iniciada y inscribese na carrera d'armes.
Perteneció a varios reximientos rescamplando nel estudiu de la matemática y l'arte de la guerra.
En 1728 ye nomáu comisariu estraordinariu con serviciu nes cortes de Granada.
Foi profesor aidante del direutor de la Real academia militar de Barcelona hasta 1738 en que ye nomáu direutor pol ministru de la Guerra José Patiño.
Tuvo de direutor hasta l'añu 1758, en 1746 asciende a inxenieru xefe y en 1756 a inxenieru direutor.
En 1756 ye nomáu direutor de la Real Sociedá de Matemátiques, anguaño Real Academia de Ciencies Esautes, Físiques y Naturales.
En 1770 foi nomáu Mariscal de campu.