Nicanor Piñole
pintor asturianu (1878–1978) / From Wikipedia, the free encyclopedia
Nicanor Pedro Vicente Piñole Rodríguez (6 de xineru de 1878, Xixón – 18 de xineru de 1978, Xixón) foi un pintor.
Nicanor Piñole | |
---|---|
Vida | |
Nacimientu | Xixón[1], 6 de xineru de 1878[2] |
Nacionalidá | España [3] |
Residencia |
Roma Xixón |
Llingua materna | asturianu |
Muerte | Xixón, 18 de xineru de 1978[4] (100 años) |
Estudios | |
Estudios | Real Academia de Belles Artes de San Fernando |
Llingües falaes | castellanu |
Alumnu de |
Carlos de Haes Dióscoro Puebla (es) Antonio Muñoz Degrain (es) Alejandro Ferrant y Fischermans Nemesio Lavilla |
Oficiu | pintor |
Premios |
ver
|
Con 16 años treslladóse a Madrid pa entamar la so formación artística na Academia de Belles Artes de San Fernando. Seis años más tarde, en 1900, treslladóse a Roma, onde pasó dos años, y a París, onde tuvo un mes, pa regresar a Xixón en 1902. Participa en diverses exposiciones locales y nacionales, como la Exposición Nacional de Belles Artes, obteniendo la tercera medaya na Exposición Universal de Buenos Aires, la segunda na de Madrid de 1917 y la primera honorífica na de Madrid de 1920. Na década de los años venti tamién envía cuadros a exposiciones n'Estaos Xuníos.
La so estancia n'Italia y el conocimientu de los impresionistes condicionó la so primera dómina, na que trunfó la pasta y el color. Pero depués diría averándose a les tonalidaes grises p'aclimatase a l'atmósfera cromática asturiana. Les sos composiciones tan llenes de figures, con escenes que narren la vida campesina como son les romeríes, procesiones, o tamién les escenes del trabayu portuariu y d'otros llabores. Otra de les temátiques qu'apaez de forma obsesiva nes sos obres ye'l so autorretratu.
Morrió en Xixón a los pocos díes de cumplir 100 años d'edá. Once años depués la so viuda donó al Conceyu de Xixón más de 700 obres y oxetos del autor, colos que se inauguraría más tarde'l Muséu Nicanor Piñole nel antiguu edificiu del Asilo Pola, a pocos metros de la que fuera la so casa.