Michael Caine
actor de cine británicu / From Wikipedia, the free encyclopedia
Maurice Joseph Micklewhite[10] (14 de marzu de 1933, Rotherhithe (es) ), más conocíu como Michael Caine, ye un actor británicu. Famosu pol so particular acentu inglés d'East End, Caine apaeció en más de 115 películes a lo llargo de la so carrera y ye consideráu un iconu de la industria cinematográfica británica.
Michael Caine | |
---|---|
Voz | |
Vida | |
Nacimientu | Rotherhithe (es) , 14 de marzu de 1933[1] (91 años) |
Nacionalidá | Reinu Xuníu |
Residencia | Windsor |
Familia | |
Casáu con |
Patricia Haines (1955 – 1962) Shakira Caine (1973 – ) |
Hermanos/es | Stanley Caine |
Estudios | |
Estudios | Hackney Downs School (en) |
Llingües falaes | inglés[2] |
Oficiu | actor de cine, escritor, autobiógrafu, actor de teatru, actor de televisión, actor |
Premios |
ver
|
Nominaciones |
ver
|
Serviciu militar | |
Cuerpu militar | Exércitu Británicu |
Lluchó en | Guerra de Corea |
IMDb | nm0000323 |
michaelcaine.com | |
Llogró la reconocencia del públicu nos sesenta coles cintes ingleses Zulu de 1964, Archivu confidencial de 1965, Alfie de 1966, pola cual aspiró al Óscar, The Italian Job de 1969 y La batalla d'Inglaterra de 1969. Ente les sos películes más importantes mientres los setenta atópense: Asesín implacable de 1971, L'últimu valle de 1972, Sleuth, que dio-y el so segunda candidatura al Óscar, The Man Who Would Be King de 1975 y A Bridge Too Far de 1977. Llogró un ésitu mayor mientres los ochenta con películes que fueron ésitu, tantu en taquilla como en crítica con: Educating Rita de 1983, pola que consiguió'l BAFTA y un Globu d'Oru, y con Hannah and Her Sisters de 1986, pola que consiguió l'Óscar.
Pa finales de los noventa, la so carrera resurdió nuevamente coles cintes Little Voice de 1998, que-y dio'l Globu d'Oru nuevamente, y con The Cider House Rules de 1999, que premiólu con un segundu Óscar. A partir del nuevu mileniu, Caine protagonizó películes de sonadía internacional: en 2002 encarnó a Nigel Powers en Austin Powers in Goldmember y a Alfred Pennyworth na triloxía de El caballeru escuru del direutor Christopher Nolan. Esti postreru tamién lu dirixó en El gran trucu de 2006, L'orixe de 2010 y Interstellar de 2014, toes elles ésitu de taquilla y crítica. Tamién destaquen la so participación secundaria en Fíos del home de 2006 y en Cars 2 de 2011.
Michael Caine ye unu de los dos únicos actores qu'aspiraron al Óscar en caúna de les décades dende 1960 hasta 2000 y les sos películes recaldaron cerca de $8 mil millones de dólares al traviés de los años, convirtiéndolo nel oncenu actor de mayor recaldación de la hestoria.[11][12] Foi nomáu Caballero pola reina Sabela II en 2000 pola so contribución a les artes interpretatives.