Meryl Streep
actriz d'Estaos Xuníos / From Wikipedia, the free encyclopedia
Mary Louise Streep (22 de xunu de 1949, Summit (es) ),[30] más conocida como Meryl Streep, ye una gallardoniada actriz d'Estaos Xuníos de teatru, cine y televisión, candidata en 20 ocasiones al premiu Óscar. Ye considerada una de «les meyores actrices de tolos tiempos», siendo reconocida anguaño como «la meyor del mundu».[31][32][33][34][35]
Debutó nes tables con The Playboy of Seville en 1971 y foi nomada darréu al premiu Tony por Alcordanza de dos llunes y 27 vagones llenos d'algodón en 1976. Debutó na pantalla chica con The Deadliest Season y nel cine con Julia en 1977. En 1978, recibió'l premiu Emmy pol so protagónico na serie Holocaustu y foi candidata per primer vegada al Óscar por The Deer Hunter el mesmu añu, premiu que ganó darréu poles cintes Kramer vs. Kramer (1979), Sophie's Choice (1982) y La dama de fierro (2011). Streep ostenta'l mayor númberu de nominaciones a esti gallardón, venti, más que nengún otru actor o actriz na historia.
Pertenez al pequeñu grupu d'actores, seis en total, que ganaron l'Óscar en siquier trés causes de forma competitiva. Tamién foi candidata gracies a les cintes: The French Lieutenant's Woman, Silkwood, Out of Africa, A Cry in the Dark, Postcards from the Edge, The Bridges Of Madison County, Adaptation, The Devil Wears Prada, La dulda y Agostu, ente otres. En 2003 volvió al teatru con La gavilueta, tres 20 años d'ausencia y en 2004 realizó una destacada apaición na cinta de HBO Angels in America, pola que foi estremada con otru Emmy.
Meryl Streep ye conocida pol tecnicismu, la solidez, l'amplia espresividá y los distintos dialeutos que-y trescala a los sos personaxes. Recibió 30 nominaciones a los Globu d'Oru, siendo ocho veces ganadora, atropando asina'l mayor númberu de candidatures que nenguna otra persona na historia. La so llarga carrera tamién-y dio dos SAG, dos BAFTA y cinco nominaciones a los Grammy. En 2004 foi homenaxada pol American Film Institute pola so contribución a la cultura d'Estaos Xuníos al traviés de les artes interpretatives, siendo l'actriz más nueva en ser estremada. En 2010 foi reconocida cola Medaya Nacional de les Artes per parte de Barack Obama.[36]