Mauro Álvarez Fernández
escultor asturianu / From Wikipedia, the free encyclopedia
Mauro Álvarez Fernández (1945, Uviéu) ye un escultor asturianu[1][2][3].
Mauro Álvarez Fernández | |
---|---|
Vida | |
Nacimientu | Uviéu, 1945 (78/79 años) |
Nacionalidá | España |
Estudios | |
Llingües falaes | castellanu |
Oficiu | escultor |
Trabayos destacaos |
La Regenta (es) La Torera (es) El violinista (es) |
Estudió na Escuela d'Artes y Oficios d'Uviéu, onde ingresó con doce años.[1][3] Antes d'acabar estos estudios, consiguió'l títulu de Maestru Vaciador.[3] Lleva a cabu, nesta dómina, munches pieces d'arte funerario (Ánxeles, Cristos, Vírxenes..), escultures ornamentales de motivos animalísticos, según relieves de temática diversa pa xarrones.[3] Mauro va forxase siguiendo los trabayos d'artistes como Francisco Toledo, Magín Berenguer o Paulino Vicente y escultores como Félix Alonso Arena, anque nun hai que dexar de llau la esperiencia qu'adquier col trabayu diariu como modelista y diseñador, nel taller de Porzolanes Guisasola (trabayu que consiguió de la mano d'Adolfo Folgueras y, ente 1962-1972, como escultor pa Internacional de Reproducciones Artístiques, momentu nel que funda'l so propiu taller de cerámica, nel que nun primer momentu robla les sos obres sol seudónimu de "Boliau" (de mozu, mientres les vacaciones de branu trabayaba nel taller de José Menéndez Pintado, en Cualloto, que tuvo de maestru a José “ El Boliau” el güelu del propiu Mauro, d'ende posiblemente'l seudónimu qu'utiliza). Nesta dómina, realiza infinidá de semeyes de personalidaes de la vida política, financiera y artística, lo cual déxa-y y al tiempu llévalu a inaugurar el so propiu taller de fundición en bronce en 1982.[1][3]