Luis Enrique Martínez García
ex–futbolista y entrenador asturianu / From Wikipedia, the free encyclopedia
Luis Enrique Martínez García (8 de mayu de 1970, Xixón), conocíu como Luis Enrique, ye un ex-futbolista y entrenador asturianu.
Como futbolista, xugaba de mediocampista o delanteru,[2] y desenvolvió la so carrera profesional nel Real Sporting de Xixón, el Real Madrid C. F. —col que consiguió una Lliga española, una Copa del Rei y una Supercopa d'España— y el F. C. Barcelona —onde conquistó dos Lligues, dos Copes, una Supercopa d'España, una Recopa y una Supercopa d'Europa. Amás, foi internacional cola seleición española, cola que llogró una medaya d'oru nos Xuegos Olímpicos de Barcelona 1992[3] y disputó trés mundiales y una Eurocopa[4]. Tamién foi incluyíu nel FIFA 100, una llista histórica de los meyores futbolistes del sieglu XX ellaborada en 2004 por Pelé[5].
Como entrenador, fixo'l so debú en 2008 al frente del F. C. Barcelona "B", col que consiguió un ascensu a Segunda División en 2010[6] y la meyor clasificación del filial azulgrana na categoría, el tercer puestu, un añu dempués.[7] Mientres la temporada 2011-12 dirixó a l'A. S. Roma. Dempués d'un añu ensin entrenar, na campaña 2013-14 fichó pol R. C. Celta de Vigo, al que dexó na novena posición de la tabla con cuarenta y nueve puntos.[8] El 19 de mayu de 2014 fichó pol F. C. Barcelona, con quien consiguió dos Lligues, trés Copes del Rei, una Supercopa d'España, una Lliga de Campeones, una Supercopa d'Europa y una Copa Mundial de Clubes a lo llargo de les siguientes trés temporaes.[9]