Kenneth Branagh
From Wikipedia, the free encyclopedia
Sir Kenneth Charles Branagh /ˈkɛnɪθ tʃɑːlz ˈbrænə/ (10 d'avientu de 1960, Belfast) ye un direutor, guionista y actor cinematográficu y teatral británicu. Ye bien reconocíu por haber empobináu y/o actuáu en munches adautaciones d'obres clásiques shakesperianas nel cine, de les cualos sobresalen Enrique V (1989; pola cual foi nomáu al Óscar como meyor direutor y meyor actor), Otelo (1995) y Hamlet (1996; pola cual foi nomáu al Óscar al meyor guión orixinal), en munches de les cuales collaboró cola so exesposa, l'actriz Emma Thompson.
Kenneth Branagh | |
---|---|
Vida | |
Nacimientu | Belfast[1], 10 d'avientu de 1960[2] (63 años) |
Nacionalidá | Reinu Xuníu |
Residencia | Reading |
Familia | |
Casáu con |
Emma Thompson (1989 – 1995) Lindsay Brunnock (en) (2003 – )[3] |
Pareyes | Helena Bonham Carter |
Estudios | |
Estudios | Royal Academy of Dramatic Art 1981) : Actuación |
Nivel d'estudios | doctor en ciencies |
Llingües falaes | inglés[4] |
Oficiu | actor de cine, direutor de cine, guionista, actor de teatru, productor de cine, actor, direutor de teatru, actor de televisión, productor de televisión, realizador |
Altor | 1,77 m |
Premios |
ver
|
Nominaciones |
ver
|
IMDb | nm0000110 |
Como actor, la so presencia foi destacada en producciones tantu de cine como de televisión, como Wild Wild West (1999), The Road to El Dorado (2000), La solución final (2001), Harry Potter and the Chamber of Secrets (2002), Valkyrie (2008), ente otres. En 2011, foi nomáu al Óscar como meyor actor de repartu al encarnar a Laurence Olivier na cinta My Week with Marilyn.
Como direutor, el so diversu trabayu tamién foi reconocíu. Dalgunes de les sos producciones son Dead Again (1991), Swan Song (1992; pola cual foi nomáu al Óscar al meyor curtiumetraxe) y Frankenstein de Mary Shelley (1994). En 2011, dirixó la superproducción Thor, que foi un ésitu de taquilla a nivel mundial, recaldando más de 400 millones de dólares.
Branagh ye unu de los direutores actores más respetaos nel so país, y atropó candidatures a los premios más prestixosos del cine, ente ellos, cinco nominaciones al Óscar, cinco nominaciones al Globu d'Oru y foi premiáu con un Emmy y trés BAFTA.