Gurbanguly Berdimuhamedow
From Wikipedia, the free encyclopedia
Gurbanguly Berdimuhamedow (rusu: Гурбангулы́ Мяликгулы́евич Бердымухаме́дов, turcomanu: Gurbanguly Berdimuhamedow; 29 de xunu de 1957, Babarap (es) ) ye un odontólogu y políticu turcomanu, presidente de la República de Turkmenistán dende'l 21 d'avientu de 2006, tres la muerte de Saparmyrat Nyýazow. Perteneció al Partíu Democráticu de Turkmenistán, la única organización política llegal ente 1991 y 2012.
Gurbanguly Berdimuhamedow | |||||
---|---|---|---|---|---|
14 febreru 2007 - 19 marzu 2022 ← Saparmyrat Nyýazow - Serdar Berdimuhamedow →
1r marzu 2001 - 14 febreru 2007 - Raşit Meredow (es) → | |||||
Vida | |||||
Nacimientu | Babarap (es) , 29 de xunu de 1957[1] (66 años) | ||||
Nacionalidá |
Xunión Soviética 1991) Turkmenistán (1991 - | ||||
Residencia | Axgabat | ||||
Familia | |||||
Padre | Berdimuhamedov Myalikguly Berdymuhamedovich | ||||
Casáu con | Ogulgerek Berdimuhamedova | ||||
Fíos/es | Serdar Berdimuhamedow | ||||
Estudios | |||||
Estudios | Turkmenistan State Medical University (en) 1979) | ||||
Nivel d'estudios |
doctorado en Economía (es) Doctor en ciencias de medicina (es) | ||||
Llingües falaes |
Turcomanu rusu | ||||
Oficiu | políticu, odontólogu | ||||
Participante
| |||||
Premios |
ver
| ||||
Serviciu militar | |||||
Cuerpu militar | Fuerzas Armadas de Turkmenistán (es) | ||||
Graduación | xeneral del exércitu | ||||
Creencies | |||||
Relixón | Sunismu | ||||
Partíu políticu |
políticu independiente (dende 2013) Partido Democrático de Turkmenistán (es) (hasta 2013) sin afiliación política (es) | ||||
IMDb | nm10062339 | ||||
Fiel a Nyýazow, fuera nomáu pol vice primer ministru de Turkmenistán. Ente les sos primeres aiciones como presidente diose la convocatoria d'eleiciones presidenciales ensin la participación de la oposición pal 11 de febreru de 2007, nes cualos llogró'l 89,23% de los votos y foi ratificáu nel so cargu, anque la oposición política denunció fraude masivu.
Berdimuhamedow buscó ameyorar los sistemes de salú y educación, amenorgar los subsidios del Estáu en gasolina, amontar l'accesu a Internet tantu en centros educativos como cafés y crear una zona turística nel mar Caspiu.[2] En febreru de 2012 foi reelixíu presidente col 97% de los votos cola participación de 96,7% de los eleutores y ensin la presencia d'observadores occidentales.[3] Nuevamente, en 2017, nes primeres eleiciones multipartidistes, volvió imponese col mesmu porcentaxe.[4]
D'alcuerdu a un reportaxe de la BBC esiste una estricta vixilancia policial en Turkmenistán; la situación económica de la xente común debilitóse pero nun s'asocederíen protestes por medrana a represalies tanto personales como coleutives escontra los sos familiares. Según Rachel Denber de Human Rights Watch, organización defensora de derechos humanos, la situación nesi país ye «pésima» y «nun hai llibertá d'espresión, nin pa rexuntase, nin llibertá relixosa».[5]