Guisando
conceyu de la provincia d'Ávila (España) / From Wikipedia, the free encyclopedia
Guisando ye un conceyu d'España perteneciente a la provincia d'Ávila, na comunidá autónoma de Castiella y Lleón. La llocalidá, asitiada na zona central de la península ibérica, ta emplazada na cara sur de la sierra de Gredos[nota 1] a una altitú de 760 metros. El conceyu tien un clima mediterraneu d'iviernos nidios y branos templaos, con temperatures cimeres a les de la cara norte de la sierra de Gredos; la precipitación media añal, que supera los 1700 mm, ye bien elevada. En 2017 cuntaba con una población de 521 habitantes.
Guisando | |||||
---|---|---|---|---|---|
| |||||
Alministración | |||||
País | España | ||||
Autonomía | Castiella y Lleón | ||||
Provincia | provincia d'Ávila | ||||
Tipu d'entidá | conceyu d'España | ||||
Nome oficial | Guisando (es)[1] | ||||
Códigu postal |
05417 | ||||
Xeografía | |||||
Coordenaes | 40°13′18″N 5°08′23″W | ||||
Superficie | 37.38 km² | ||||
Altitú | 1175 m | ||||
Llenda con | Arenas de San Pedro, El Hornillo y Hoyos del Espino | ||||
Demografía | |||||
Población |
488 hab. (2023) - 249 homes (2019) - 248 muyeres (2019) | ||||
Porcentaxe |
0.31% de provincia d'Ávila 0.02% de Castiella y Lleón 0% de España | ||||
Densidá | 13,06 hab/km² | ||||
Más información | |||||
Estaya horaria | UTC+01:00 | ||||
guisando.net | |||||
El nucleu de población tuvo d'aniciase a finales de la Edá Media, casi con toa seguridá consistió nun primer momentu nun asentamientu de pastores. Mientres la Baxa Edá Media y casi tola Edá Moderna'l territoriu actual del conceyu formó parte alministrativamente del Señoríu d'Arenas. Foi en 1760 cuando, so reináu de Carlos III, l'aldega consiguió'l títulu de villa independizándose d'Arenas de San Pedro.
El cascu urbanu de la llocalidá, nel que destaquen les viviendes vernácules encaladas, foi declaráu Bien d'Interés Cultural cola categoría de conxuntu-históricu en 1976. Guisando ta incluyíu tamién dientro de la zona de proteición del parque rexonal de la Sierra de Gredos. Les fiestes populares n'honor al so patrón, San Miguel, celébrense'l 29 de setiembre. Na llocalidá predomina'l sector terciariu —sobremanera l'actividá turística—, anque'l sector primariu inda guarda cierta importancia. Si esclúyese la construcción el sector secundariu ye marxinal. L'alcalde del conceyu ye Eduardo Tremezo González, del Partíu Popular.