Grupu Independiente Lliberal
From Wikipedia, the free encyclopedia
El Grupu Independiente Lliberal (GIL) foi un partíu políticu d'España fundáu en 1991 en Marbella pol empresariu Jesús Gil y Gil. Cesó la so actividá política en 2007 al nun poder presentase a les eleiciones municipales de dichu añu por cuenta de los numberosos casos de corrupción ya irregularidaes cometíes por miembros del Conceyu de Marbella, dirixíu pola formación política –ej. Casu Malaya–.
Grupu Independiente Lliberal | |
---|---|
Fundador/a | Jesús Gil |
Presidente | Jesús Gil y Gil |
Fundación | 1991 |
Disolución | [[2007]] |
Sede | Marbella |
Estáu | España |
Ideoloxía política |
Lliberalismu[1] Personalismu Populismu |
Posición nel espectru | derecha |
Foi una formación política de calter populista y personalista que se postulaba como una "tercer vía" ente'l Partíu Popular y el PSOE.[2] L'himnu propagandísticu del partíu yera'l cantar "The Final Countdown" d'Europe, conocida en Marbella como'l "tiroriro".[3] El gilismo foi identificáu como representante n'España, xunto a les esperiencies polítiques de Mario Conde y José María Ruiz-Mateos, d'un populismu protestatario,[4] amás de como un exemplu de berlusconización de la política española.[5]