Gabriel González Videla
From Wikipedia, the free encyclopedia
Gabriel Enrique González Videla (22 de payares de 1898, La Serena – 22 d'agostu de 1980, Santiagu) foi un abogáu y políticu chilenu, unu de los importantes del Partíu Radical mientres la primer metá del sieglu XX. Foi diputáu, senador y presidente de Chile.
Gabriel González Videla | |||||||||
---|---|---|---|---|---|---|---|---|---|
3 payares 1946 - 3 payares 1952 ← Juan Antonio Ríos - Carlos Ibáñez del Campo →
| |||||||||
Vida | |||||||||
Nacimientu | La Serena, 22 de payares de 1898[1] | ||||||||
Nacionalidá | Chile | ||||||||
Muerte | Santiagu, 22 d'agostu de 1980[1] (81 años) | ||||||||
Familia | |||||||||
Casáu con | Rosa Markmann | ||||||||
Estudios | |||||||||
Estudios | Universidá de Chile | ||||||||
Llingües falaes | castellanu | ||||||||
Oficiu | abogáu, diplomáticu, políticu | ||||||||
Llugares de trabayu | Santiagu | ||||||||
Creencies | |||||||||
Partíu políticu | Partíu Radical | ||||||||
En 1946, foi'l candidatu de l'Alianza Democrática, formada por radicales, comunistes y democráticos. En llogrando una mayoría relativa, col 40 % de los votos, y ser ratificáu pol Congresu plenu, González Videla foi investido como presidente pal periodu ente 1946 y 1952.
El so gobiernu destacó por iniciatives de desenvolvimientu económicu y la creación d'empreses estatales como la Empresa Nacional del Petroleu (ENAP), la Industria Azucrero Nacional (Iansa) y la Siderúrxica Huachipato (CAP). Promovió'l desenvolvimientu de la provincia de Coquimbo al traviés del Plan Sele y foi'l primer xefe d'Estáu en visitar L'Antártida, como parte de la so iniciativa p'asegurar los derechos reclamaos per Chile sobre dichu continente. Mientres el so gobiernu diose plenos derechos políticos a la muyer y nomó a la primer ministra muyer d'América Llatina, Adriana Olguín.
A nivel políticu, el so gobiernu quedó enmarcáu pol entamu de la Guerra Fría nel contestu internacional. Magar que los comunistes sofitaron a González Videla na so candidatura, la presión estauxunidense y los conflictos que caltuvieron col presidente una vegada asumíu motivaron al gobiernu a promulgar la Llei de Defensa Permanente de la Democracia. La llamada Llei Maldita proscribió al Partíu Comunista y empecipió una persecución de los sos militantes, munchos de los cualos debieron exiliase como'l poeta Pablo Neruda.