Certhia familiaris
especie de páxaru / From Wikipedia, the free encyclopedia
Les especies d'aves con nome común en llingua asturiana márquense como NOA. En casu contrariu, conséñase'l nome científicu. L'esguilón montés[1] (Certhia familiaris),[2] ye una especie d'ave de la familia Certhiidae que vive n'Eurasia. Ye un axilosu esguilador d'árboles de color parduzu motudu nes partes cimeres y les partes inferiores ablancazaes, con un picu finu y curváu escontra baxo y una cola llarga y ríxida qu'usa como sofitu nos tueros. Anque'l so aspeutu ye asemeyáu al d'otros esguilones estrémase fácilmente pol so cantar, del esguilón (común) col que coincide en gran parte del so área de distribución europea.
Estáu de caltenimientu | ||
---|---|---|
Esmolición menor (IUCN) | ||
Clasificación científica | ||
Reinu: | Animalia | |
Filu: | Chordata | |
Clas: | Aves | |
Orde: | Passeriformes | |
Familia: | Certhiidae | |
Xéneru: | Certhia | |
Especie: |
C. familiaris Linnaeus, 1758 | |
Distribución | ||
Consultes | ||
[editar datos en Wikidata] |
Reconócense siquier nueve subespecies d'esguilón montés distribuyíes poles rexones templaes d'Eurasia. Esta especie alcuéntrase en tou tipu de montes, pero nes rexones onde coincide col esguilón "común" ye más probable atopalu nos montes de coníferes o en zones altes. Añera en buecos de los árboles o ente la so corteya. La fema pon xeneralmente cinco o seis güevos blancos con llixos rosaos. Les sos niaraes son vulnerables al ataque de los picatueros y mamíferos, como los esguiles.
Los esguilones monteses son insectívoros y engaten pelos tueros de los árboles a la gueta d'inseutos qu'atrapa col so picu curváu ente los resquiebros de la corteya. Entós vuela a la bas d'otru árbol con un vuelu erráticu carauterísticu. Esta ave ye solitaria pel iviernu, pero puede formar dormideros comunales cuando'l tiempu ye fríu.