Bolsa de Comerciu de Buenos Aires
From Wikipedia, the free encyclopedia
La Bolsa de Comerciu de Buenos Aires (B.C.B.A.) o n'inglés Buenos Aires Stock Exchange (B.A.S.Y.); foi fundada'l 10 de xunetu de 1854, ye la mayor bolsa de valores y principal centru de negocios y finances de l'Arxentina. Les sos transaiciones son básicamente aiciones d'importantes multinacionales estranxeres y nacionales, bonus, divises y contratos de futuros.
Bolsa de Comerciu de Buenos Aires | |
---|---|
edificiu y bolsa de valores | |
Llocalización | |
País | Arxentina |
Ciudá | Buenos Aires |
Sede | Buenos Aires |
Direición | Arxentina |
Coordenaes | 34°36′14″S 58°22′15″W |
Historia | |
Fundación | 1854 |
Índiz de bolsa | Merval |
Web oficial | |
Trátase d'una asociación civil ensin fines d'arriquecimientu, dirixida por representantes de los distintos sectores del empresariáu, regulada pola Llei Nᵘ17.811,[1] y supervisada pola Comisión Nacional de Valores. Cuenta con un Tribunal d'Arbitraxe Xeneral, creáu en 1963, p'arbitrar y mediar diferencies ente los participantes de la Bolsa.
Indicadores del so desempeñu son los índices Burcap, Merval, Índiz Xeneral de la Bolsa, MAR, Indol y Indol mayorista.
Les empreses que deseyen cotizar les sos aiciones na Bolsa de Comerciu de Buenos Aires tienen d'informar trimestralmente los sos estaos contables y apurrir toa información relevante. En 1999 cotizaben na Bolsa de Buenos Aires 134 empreses.
D'alcuerdu a un estudiu de la Corporación Financiera Internacional de 1999, un brazu del Bancu Mundial, el valor permediu de les empreses que coticen na bolsa local ye de 311,5 millones de dólares, cifra qu'alluga a l'Arxentina nel puestu 30 ente los países que tienen mercaos accionarios.
La Bolsa de Comerciu de Buenos Aires puede suspender la cotización de valores cuando considere qu'ello resulta necesariu pa controlar o prevenir alteraciones anormales nos precios.[2]
Otres bolses de valores na Arxentina son: Bolsa de Comerciu de Rosario y la Bolsa de Comerciu de Córdoba.
La Bolsa de Comerciu forma parte del Grupu de los Ocho qu'arrexunta a los ocho organizaciones patronales de mayor poder: Sociedá Rural Arxentina, Unión Industrial Arxentina, Cámara Arxentina de Comerciu, Cámara de la Construcción, la Bolsa de Comerciu, l'Asociación de Bancos Privaos de Capital Arxentín (ADEBA) y l'Asociación de Bancos de l'Arxentina (ABA).