La batalla de Cuito Cuanavale foi un importante enfrentamientu militar asocedíu ente avientu de 1987 y marzu de 1988[14] mientres el contestu de la Guerra Civil Angoleña y la Guerra de la Frontera de Sudáfrica.
Datos rápidos Defensa de Cuito Cuanavale, Fecha ...
Zarrar
Ente'l 9 de setiembre y el 7 d'ochobre de 1987, les Fuercies Armaes Populares de Lliberación d'Angola (FAPLA), nun intentu de someter finalmente'l movimientu insurxente angoleñu UNITA nel sureste d'Angola, foi repelido de manera decisiva nuna serie de batalles nel ríu Lomba pola intervención de les SADF. Coles FAPLA en retirada hasta'l puntu de partida de la so ofensiva, en Cuito Cuanavale, el SADF y la UNITA pasó a la ofensiva y empezó l'asediu con bombardeos con artillería de llargu algame, el 14 d'ochobre. Una gran batalla producióse y Angola, por medrana a una derrota, pidió ayuda a Cuba. Con refuerzos cubanos, Cuito resitió y la meyora de Sudáfrica terminó dempués de seis intento fallíos pa superar les defenses de les FAPLA y Cuba ente'l 13 de xineru y 23 de marzu de 1988. El SADF retiráronse, pero siguió bombardiando Cuito dende distancia.
Los angoleños y cubanos empecipiaron les negociaciones de paz el 9 de marzu de 1988 sol amparu d'EEXX. El 3 de mayu los sudafricanos xuniéronse tamién a la mesa negociadora, onde los sudafricanos alcordaron retirase d'Angola'l 1 de setiembre de 1988 y cola aplicación del Resolución 435 d'África del Suroeste'l 1 de payares, lo que llevó a la independencia de Namibia, y depués a la fin del réxime del apartheid nel sur d'África. Los cubanos empecipiaron la retirada d'Angola que s'enllargó hasta xunetu de 1991. Un alcuerdu de paz mediáu por Chester Crocker, roblóse finalmente'l 22 d'avientu de 1988 en Nueva York.