Alles
parroquia del conceyu d'El Valle Altu de Peñamellera (Asturies) / From Wikipedia, the free encyclopedia
Alles[2] ye un llugar y una parroquia del conceyu asturianu d'El Valle Altu de Peñamellera, de 19,41 km²[3] d'estensión y 166 hab. (2017)[4]. Nun hai namái qu'un pueblu nel so territoriu: la villa d'Alles, capital del conceyu dende 1869.
Alles | |
---|---|
Alministración | |
País | España |
Autonomía | Principáu d'Asturies |
Provincia | provincia d'Asturies |
Conceyu | El Valle Altu de Peñamellera |
Partíu xudicial | Llanes |
Tipu d'entidá | parroquia d'Asturies |
Códigu postal |
33578 |
Xeografía | |
Coordenaes | 43°20′02″N 4°42′20″W |
Superficie | 19.41 km² |
Altitú | 263 m y 241 m[1] |
Llenda con | Llonín, Mier, Trescares, Ruenes, La Borbolla, Purón y Vidiago |
Demografía | |
Población | 166 hab. (2017) |
Porcentaxe |
31057.01% de El Valle Altu de Peñamellera 16.42% de provincia d'Asturies 16.42% de Principáu d'Asturies 0.35% de España |
Densidá | 8,55 hab/km² |
Viviendes | 147 (2001) |
Más información | |
Estaya horaria | UTC+01:00 |
La villa s'asitia na fastera meridional de la sierra del Cuera, nuna llanada a 263 m sobre'l nivel de la mar que ta arrodiada de cumales. Fórmenla dellos barrios (Bellaces, Besnes, El Toju, El Pedrosu, L'Aldea, La Cal, La Cuesta, Las Barras, Las Coronas, Las Jilgueras, Llumberu, Pastorias, San Roque, Socampu y Trespalacios) que s'esparden alredor del nucleu principal del pueblu, nel que s'alcuentren la casa conceyu y la ilesia parroquial.
L'orixe de la población ye antiguo. Cerca d'ella s'alcuentren los restos de la ilesia románica de San Pedru de Plecín, que, anque datada nel sieglu XII, parez asentase nel llugar ú había otra ilesia, quiciás del tiempu del reinu d'Asturies. Nun hai muncha mención esplícita del llugar na documentación medieval, porque la capital del Valle de Peñamellera yera Abándames. Sicasí, cuando se decretó nel 1833 la vuelta de la Peñamellera a la provincia d'Uviéu, Alles peleó por ser la capital del nuevu municipiu. Al dixebrase esti en dos, en 1869, convirtióse na capital del Valle Altu, y yá nun perdió esa condición.
Na Guerra Civil la villa, como'l restu del conceyu, foi l'escenariu de sangrientos combates ente los republicanos y les brigaes navarres del bandu nacional, que rindieron la población el 15 de setiembre de 1937.