Adicción
From Wikipedia, the free encyclopedia
Considérase adicción[1] (del llatín addictus, que yera'l deldor insolvente que, por falta de pagu, yera apurríu como esclavu al so acreedor[2]) a una enfermedá crónica y recurrente del celebru que se caracteriza por una busca patolóxica del pagu y/o aliviu al traviés del usu d'una sustancia o otres conductes. Esto implica una incapacidá de controlar la conducta, dificultá pa l'astinencia permanente, deséu imperiosu de consumu, amenorgamientu de la reconocencia de los problemes significativos causaos pola mesma conducta y nes rellaciones interpersonales según una respuesta emocional disfuncional.[3] La resultancia ye un amenorgamientu na calidá de vida del afeutáu (xenerando problemes nel so trabayu, nes sos actividaes académiques, nes sos rellaciones sociales y/o nes sos rellaciones familiares o de pareya). La neurociencia anguaño considera que l'adicción a sustancies y a comportamientos comparten les mesmes bases neurobiolóxiques.
Alvertencia: Wikipedia nun ye un consultoriu médicu nin farmacolóxicu. Si piensa que precisa ayuda, por favor, fale con un profesional de la salú. |
Amás del consumu de sustancies psicoactives esisten adicciones a procesos como l'adicción al sexu, l'adicción al xuegu (ludopatía), l'adicción a la pornografía, l'adicción a la televisión, al deporte, l'adicción a les nueves teunoloxíes (tecnofilia) y l'adicción a Internet.[4][5]