فيودور دوستويفسكى
From Wikipedia, the free encyclopedia
فيودور ميخايلوڤيتش دوستويڤسكى - بالروسى Фёдор Миха́йлович Достое́вский - (نطق: [ˈfʲodər mʲɪˈxajləvʲɪtɕ dəstɐˈjɛfskʲɪj] دوستوى-يڤسكى) (موسكو، 11 نوفمبر 1821 - سانت بطرسبورج، 9 فبراير 1881) كان روائى روسى عبقرى و من اهم اعماله الجريمه و العقاب و الاخوه كارامازوف. دوستويڤسكى اتولد فى موسكو و عاش معظم حياته فى سانت بطرسبورج و بتدور معظم احداث رواياته فى المدينه دى ايام روسيا القيصريه. دوستويڤسكى اتقبض عليه و اتحكم عليه بالاعدام بتهمة انتماءه لجماعة ليبراليه و بعد ما غمو عينيه علشان يضربوه بالنار جاه عفو من القيصر الروسى اللى غير حكم الاعدام للنفى مع الاشغال الشاقه لمدة اربع سنين فى سيبيريا. الحادثه دى و سنين النفى اثرت كتير فى نظرته للحياة و اتصورت فى روايته ذكريات من منزل الأموات. من اشهر اعماله التانيه: ”مذلون مهانون“، ”فى قبوي“، ”الشياطين“، الأبله.
فيه روايات اتعملت افلام أنتجتها هوليوود من اشهرها الاخوه كرامازوڤ بطولة يول بريننير. وانتجت السينما المصريه رواية الاخوه كرامازوڤ بعنوان ”الاخوه الاعداء“ و ”الجريمه والعقاب“ بعنوان ”سونيا والمجنون“.