ايلخانية مغول فارس
From Wikipedia, the free encyclopedia
إيلخانية، اسره مغوليه من احفاد چنكيزخان، استوطنت ايران و حكمتها بين القرنين 13 و 14، و استولت و سيطرت على المنطقه ما بين نهر جيحون لغاية المحيط الهندى، و من السند لغاية نهر الفرات، و جزء كبير من اسيا الصغرى و القوقاز. دمروا بغداد و قضوا على الخلافه العباسيه، و احتلوا الشام و كانو عايزين ياخدوا مصر اللى اتصدت لهم فى عهد السلطان قطز من سلاطين الدوله المملوكيه المصريه و طردتهم من الشام.
| ||||
---|---|---|---|---|
(بالفارسى: ایل خانان)، و(بالمونجولى: Ил Хаант Улс) | ||||
القاره | اسيا | |||
البلد | امبراطوريه مغوليه | |||
الاسم نسبه لـ | هولاكو | |||
البدايه | 1256 | |||
انتهت سنة | 1335 | |||
سبقها | العباسيين | |||
تعديل |
ملكهم بيتسمى "إيلخان" (جمع: إيلخانات) او "إلخان" (جمع: إلخانات). ملوكها بيتسموا "إيلخانات فارس" (إلخانات فارس). عاصمتهم كانت تبريز. لفظ "إيلخان" بيتكون من كلمتين "إيل" و "خان" و معناها الخاضع او "المطيع للخاقان" او "تابع الخان الأعظم" يعنى نايبه اللى بيمثله لإن الإيلخانيه ما كانتش فى البداية و لغاية حكم محمود غازان مستقله عن الدوله المغوليه اللى عاصمتها كانت قراقوم.
حكم المملكه ما بين سنة 1256 و 1335 تسعه من ملوك الاسره المغوليه الكبار، اولهم كان هولاكوخان و اخرهم ابو سعيد. ابو سعيد ما خلفش وريث للعرش و بعده مافضلش غير امرا من بيت هولاكو اتعاقبو على العرش الايلخانى و هو بيحتضر لغاية سنة 1355.
تالت الإيلخانات "تكودار" اعتنق الاسلام و سمى نفسه احمد تكودار و اتلقب بلقب سلطان، لكن بعد قتله و وصول ارغون خان للحكم اتشال اللقب لكن رجع تانى من عهد محمود غازان اللى اتسلطن و استقل بالإيلخانيه. هولاكو خان و اباقاخان و غازان خان من اشهر ملوكهم. أرخ تاريخهم لغاية عهد غازان المؤرخ رشيد الدين الهمذانى.