الكندى
From Wikipedia, the free encyclopedia
ابو يوسف يعقوب بن اسحاق الكندى (185 هـ/805 - 256 هـ/873) كان علامه عربى مسلم, برع فى الفلك و الفلسفه و الكيميا و الفيزياء و الطب و الرياضيات و المزيكا و علم النفس و المنطق اللى كان معروف بعلم الكلام, الكندى معروف عند الغرب باسم (باللاتينيه: Alkindus), و هوا اول الفلاسفه المتجولين المسلمين, كمان اشتهر بجهوده فى تعريف العرب و المسلمين بالفلسفه اليونانيه القديمه و الهلنستيه.[12] عاش فى البصره فى بداية حياته بعدها نقل منها لبغداد اللى بدا فيها ياخد العلوم و المعارف فى فترة الإناره العربيه على عهد المأمون و المعتصم فى جو مشحون بالتوتر العقائدى بسبب مشكلة خلق القرآن و سيطرة مذهب الاعتزال التشيع, و كان القرن التالت الهجرى مليان بالمعارف القديمه و الحديثه و بتأثير حركة النقل و الترجمه, فاهتم الكندى بالفلسفه و العلوم القديمه, المأمون اداله مهمة الاشراف على ترجمة الاعمال الفلسفيه و العلميه اليونانيه للعربيه فلا بيت الحكمه.[13] و اطلع على اللى كان بيسميه علما المسلمين وقتها "بالعلوم القديمه"و قدر من فىه يكتب اطروحات اصليه فى الاخلاقيات و ما بعد الطبيعه و الرياضيات و الصيدله.[14][15]
| ||||
---|---|---|---|---|
، و | ||||
معلومات شخصيه | ||||
اسم الولاده | (بالعربى: أبو يوسف يعقوب بن إسحاق الصبّاح الكندي) | |||
الميلاد | سنة 801 [1][2][3][4] | |||
الوفاة | سنة 873 (71–72 سنة)[7][8][4] | |||
مواطنه | العباسيين | |||
الحياه العمليه | ||||
تلاميذ مشهورين | ابو معشر البلخى [10] | |||
المهنه | عالم فلك ، ودكتور | |||
اللغه الام | عربى | |||
اللغات المحكيه او المكتوبه | عربى [11] | |||
مجال العمل | رياضيات ، وفلسفه ، ومنطق ، وفيزيا ، وكيميا ، وسايكولوجيا ، وفارماكولوچى | |||
موظف فى | بيت الحكمه | |||
تعديل مصدري - تعديل |
فى الرياضيات, لعب الكندى دور مهم فى ادخال الاقام الهنديه للعالم الاسلامى و المسيحى,[16] كمان كان رائد فى تحليل الشفرات, و استنباط ىساليب جديده لاختراق الشفرات[17] باستخدام خبرته الرياضيه و الطبيه, حط مقياس بيسمح للاطبا بقياس فاعلية الدوا,[18] كمان عمل تجارب حولين العلاج بالمزيكا.[19]
كان الشاغل اللى شغل الكندى فى اعماله الفلسفيه هو التوافق بين الفلسفه و العلوم الاسلاميه التانيه و خاصه العلوم الدينيه, اتناول فى كتير من اعماله مسائل فلسفيه دينيه زى طبيعه الله و الروح و الوحى,[20] و برغم من الدور المهم اللى عمله فى انه خلا الفلسفه فى متناول المثقفين المسلمين وقتها بس اعماله بقت اقل اهميه بعد ظهور علما زىالفارابى بعده, و ما فضلش منها غير عدد قليل للعلما المعاصرين لدراستها, و مع كده الكندى بيعد من اعظم الفلاسفه من اصل عربى لدوره فى زمانه و اتلقب بـ "ابو الفلسفه العربيه" او "فيلسوف العرب".[21]