اصل الحياه
From Wikipedia, the free encyclopedia
التوالد الذاتي (انجليزى: Abiogenesis, نطق: /ˌeɪbaɪoʊˈdʒɛnəsɪs/, /ˌæbioʊˈdʒɛnəsɪs/,[1] /ˌeɪbaɪ.ɵˈdʒɛnɨsɪs/; فرنساوى: Abiogénèse; اسبانى: Abiogénesis; يونانى: Αβιογένεση) او اصل الحياة فى مجال العلوم الطبيعية، هو دراسة ازاي الحياة على الارض ممكن تكون نشأت او جت من مادة غير حية او جماد. ولازم ننتبه كويس للفرق بين التوالد الذاتي وبين التطور، لان التطور هو دراسة التغيرات اللى بتحصل للكائنات الحية على مر الزمان. الاحماض الامينيه، واللي فى العاده ببتتسما "وحدات بناء الحياة" بتكون موجودة فى الطبيعة بشكل تلقائي، وده بسبب تفاعلات كيميائية ملهاش علاقه بالحياة. وفي كل الكائنات الحية، بتكون الاحماض الامينية متنظمه فى شكل بروتينات، وتركيب البروتينات بيتم بواسطة الاحماض النوويه. وبكده يكون البحث فى مسألة اصل الحياة هو البحث عن ازاي جت اول احماض نووية للوجود.
شوية من الحقايق عن اصل الحياه مفهومه كويس، وشوية تانيين لسه موضع بحث لغاية دلوقتي. اول الكائنات الحيه اللى ظهرت على الارض كانت الكائنات اللى بتتكون من خليه واحده نواتها بدائيه ، وظهرت لاول مره من حوالى 4 بليون سنه تقريبا، يعني بعد حوالى كام ميت مليون سنه من تكون الارض نفسها.[2][3] قبل حوالى 2.4 بليون سنة كانت نسبة النظائر المستقرة ل الكربون والحديد والكبريت بتبين نشاط الكائنات الحية على المعادن والرواسب اللاعضويه،[4][5] والعلامات او الادلة الجزيئية البيولوجيه بتدل على حدوث عملية التمثيل الضوئي، وده بيدل على ان الحياه على الارض كانت منتشره بشكل واسع على ايد الوقت ده.[6][7]
من ناحيه تانيه، التسلسل الدقيق للأحداث الكيميائية اللى ادت علشان تكون اول أحماض نووية لسه مش معروف. فيه بعض الافتراضات اللى تم اقتراحها عن الحياه البدائيه، و من ابرز الافتراضات دي هى نظرية عالم الحديد والكبريت (التمثيل الغذائي من غير الجينات)، و كمان فرضية عالم RNA ( أشكال الحياة اللى فيها RNA).