Wanderlei Silva
From Wikipedia, the free encyclopedia
Wanderlei Silva (* 3. Juli 1976 in Curitiba, Brasilie als Wanderlei César da Silva) isch e professionelle Mixed Martial Arts-Kämpfer us Brasilie und läbt sit 2007 in Las Vegas, Nevada. Sini Stärkene liege hauptsächlich im Standkampf. Si Stil isch prägt durch Technike us em Thai-Boxe/Muay Thai, jedoch bsitzt er au de Schwarzgurt im Brazilian Jiu-Jitsu. Er gilt als eine vo de beschte Kämpfr in dr Gwichtsklass bis 93 kg.
Wanderlei Silva | |
---|---|
Date | |
Kampfname | The Axe-Murderer |
Größi | 1,80 m |
Gwicht | 93 kg |
Nationalität | Flagge von Brazil Brasilie |
Uf Welt cho | 3. Juli 1976 |
Wohnort | Las Vegas, Nevada, USA |
Geburtsort | Curitiba, Brasilie |
Kampfstil | Muay Thai, Brazilian Jiu-Jitsu |
MMA-Statistik | |
Sig | 32 |
Niderlage | 9 |
Uuentschide | 1 |
Er trainiert untr anderen zämme mit MMA-Grössene wie de Mauricio „Shogun“ Rua und de Murilo „Ninja“ Rua in dr „Chute Boxe Academy“ z Curitiba (Brasilie). Zu sine Errungeschafte ghöre 18 Sieg in dr Folg bi Pride FC. De Silva het de Wältmeischtrtitel vom prestigeriiche MMA-Verband „Pride“ im Halbschwergwicht ghalte un isch dr Gwünner vom Pride FC Light-Heavyweight Grand Prix 2003.
Dr Erscht, wos gschafft het em Silva si Siigeszug zbrämse, isch dr K1-Grand Prix Champion Mark Hunt (am Silveschtr 2004). De Schwergwichtlr Hunt het 30 kg meh als de Silva gwoge un de Kampf knapp nach Punkte (2:1 Entscheidig) gwunne.
Sini witere Niiderlage: Gege de Tito Ortiz nach Punkt, gege de Artur Mariano durch TKO (Cut), gege de Vitor Belfort durch TKO un im Halbfinale vom Pride Middleweight GP 2005 (28. Auguscht 2005) gege de Ricardo Arona nach Punkt. De Revanchekampf, wo bin em gliichzitig em Silva si Mittelschwergwichts-Gürtel uf em Spiel gstande isch, het de Silva am Silveschtr 2005 gewünne (2:1 Entscheidig). Sini nächschti Niiderlag isch gege de Mirco „CroCop“ Filipovic im Pride Grand Prix 2006 gsi. De letschti Kampf bi de Pride FC het er gege de Dan Henderson um de Mittelschwergwichtstitel ka, dä het dr Silva durch KO vrlore.
In Japan und Brasilie wird er wie e Pop-Star gfiirt un zahlt. Wie au zahlriichi anderi Profikämpfer verdient er durch Sponsore un Wärbevrträg Geld. Zuedäm betriibt er die eigeni Sportbekleidigs- un Modemarke Wand. Nachdäm er in Las Vegas bi Extreme Couture trainiert het, um sich uf sini UFC-Kämpf vorzbereite[1] un ihm ds Training nid zintensiv gnueg gsi isch, het er e eigenes Gym in Las Vegas eröffnet.[2]