Protäschta noh-n-em Tood vu dr Mahsa Amini
From Wikipedia, the free encyclopedia
Ìm Iràn hann àm 16. Septamber 2022 noh-n-em Tood vu dr 22-jaahriga Fràui Mahsa Amini groossa Protäschta-n-ààgfànga. D’ Amini ìsch vu dr islàmischa Sittapolizäi verhàftet, verprìgelt un geteedet worra gsìì, wial sa ìhra Kopftüach nìt „rìchtig“ ààglajt ghàà hàt.[4][5]
Protäschta noh-n-em Tood vu dr Mahsa Amini | |||||||
---|---|---|---|---|---|---|---|
Protäschta-n-àm Keshavarz-Boulevard z’ Teheran | |||||||
| |||||||
Konfliktparteie | |||||||
* Irànischa Regiarung
|
* Regiarungskritiker
| ||||||
Verlust | |||||||
4 Sicherhaitskräfta sìnn geteedet worra[1] | mìndeschtens 50 Demonschtrànta sìnn geteedet worra[2] mìndeschtens 733 Demonschtrànta sìnn verlätzt worra[3] |
Dialäkt: Mìlhüüserdiitsch |
D’ Protäschtàkzioon hàt sìch vor àllem geega s’ theokràtischa Reschiim ìm Iràn grìchta, bsunders geega d’ islàmischa Klaiderordnung, wo vu dr Regiarung verordent wìrd. Àls Zaicha vu dr Solidàritäät mìt dr Amini un üss Protäscht geega d’ Fràuijarachtslààg ìm Iràn hann manka Demonschtràntinna bewusst geega d’ Klaiderordnung gschtoossa, wu sa ìhra Kopftiacher àwaggnumma odd’r sìch äffentlig d’ Hààra gschnìtta hann.
D’ Protäschtbeweegung hàt a pààr Schtunda nooh-n-em Tood vu dr Amini ààgfànga. D’ äärschta Protäschtàkzioon hàt vor àm Schpitààl z’ Teheran schtàttgfunda, wu d’ Amini behàndelt worra gsìì-n-ìsch. A pààr Schtunda schpeeter sìnn wittera Protäschta ìn àndra Schtädt gsìì, z’äärscht ìn dr Amini ìhrer Haimetprowìnz Kurdistan, unteràndrem z’ Saqqez, Sanandadsch, Diwandarreh, Baneh un Bischar.[6][7]
Bis àm 23. Septamber 2022 sìnn mìndeschtens fufzig Demonschtrànta-n-umbrocht worra.[2][8] Dàs sìnn àlso d’ teedligschta Protäschta sitter dana vu 2019/20, wu mehr àss 1.500 Litt umbrocht worra gsìì sìnn.[9] Noh-n-em Ààfàng vu da Protäschta hàt d’ irànischa Regiarung zàhlriicha Internetsitta loo schpärra, bsunders uff da soziààla Nätzwärk.[10] Dr Iigrìff vu dr Regiarung ìsch waltwitt verurtailt worra; s’ Finànzminìschterium vu da Verainigta Schtààta hàt Sànkzioona geega d’ Sittapolizäi un mehrera irànischa hoochràngiga-n-Àmtstraager beschlossa.[11]