SKA
Groot, veelvuldige radioteleskoopprojek / From Wikipedia, the free encyclopedia
Die Square Kilometre Array (SKA) is ’n groot, veelvuldige radioteleskoopprojek wat besig is om in Suid-Afrika en Australië gebou te word. Dit sal by voltooiing uit meer as 3 000 radioteleskope bestaan. Twee derdes van die radioteleskope sal in Suid-Afrika gebou word en die ander in Australië.
SKA | ||||
Ander naam | Square Kilometre Array | |||
Tipe | Gefaseerde reeks | |||
Gebou | 2019-2030 | |||
Webtuiste | www.skatelescope.org | |||
Ligging | ||||
Plek | Suidelike Halfrond | |||
Koördinate | 30°43′16″S 21°24′40″O | |||
|
Dit sal ’n totale versamelingsgebied van sowat een vierkante kilometer hê.[1][2] Dit sal oor ’n groot omvang frekwensies werk en vanweë sy grootte sal dit 50 keer sensitiewer wees as enige ander radio-instrument. Dit behoort die hemelruim meer as 10 000 keer vinniger as tevore te verken.
Met ontvangerstasies wat van ’n sentrale punt af oor minstens 3 000 km strek, sal dit radiosterrekunde se vermoë benut om die beelde met die hoogste resolusie op alle terreine van sterrekunde te verskaf. Die SKA word in die Suidelike Halfrond gebou, in Afrika suid van die Sahara met kernpunte in Suid-Afrika en Australië, waar die uitsig op die Melkweg die beste en radioversteurings die minste is.[3]
Bouwerk het in 2019 begin en aanvanklike waarnemings word teen 2022 beplan. Die SKA word in twee fases gebou, met fase 1 wat sowat 10% van die hele teleskoop se vermoë verteenwoordig.[4][5] Fase 1 se koste is in 2013 op €650 miljoen vasgestel, terwyl fase 2 se koste nog nie vasgestel is nie.[6]