Lorin Maazel
From Wikipedia, the free encyclopedia
Lorin Varencove Maazel (* 6 Maart 1930 – † 13 Julie 2014) was 'n Amerikaanse dirigent, violis en komponis. Hy het sy buiging op die podium op die ouderdom van agt gemaak, en in 1953 sy loopbaan van stapel gestuur. Teen 1960 het Maazel reeds 'n goeie reputasie in Europese konsertsale verwerf, maar in teenstelling hiermee het sy loopbaan in die VSA teen 'n slakkepas gegroei.
Hy sou egter later onder andere aangestel word as musikale direkteur van die Cleveland Simfonieorkes, Orchestre National de France, Pittsburgh Simfonieorkes, Beierse Radio Simfonieorkes en die New York Filharmoniese Orkes. Maazel was gerespekteer wat betref sy tegniek en hantering van die dirigeerstaf en het oor 'n fotografiese geheue met betrekking tot partiture beskik. Hy is as onverbiddelik beskryf wat repetisies betref, maar sy houding het egter in sy gevorderde jare versag.[1]