Daar kom die Alibama
liedjie / From Wikipedia, the free encyclopedia
Daar kom die Alibama is 'n bekende tradisionele Afrikaanse liedjie. Dit is in die FAK-sangbundel opgeneem as lied 257. Volgens sommige bronne strek die liedjie se geskiedenis terug na omstreeks 1863, en het hy oorspronklik na die oorlogskip, die CSS Alabama, verwys.[1][2] In die Kaapse volksmond, het die Alabama egter die Alibama geword.
Daar Kom die Alibama | ||||
Die CSS Alabama. | ||||
Genre | Afrikaanse volksmusiek | |||
Woorde | Tradisioneel | |||
Melodie | SA volkswysie | |||
Verwerking | Chris Lamprecht | |||
|
In die Amerikaanse Burgeroorlog was die CSS Alabama deel van die Gekonfedereerde State van Amerika se vloot, maar in plaas daarvan dat hy direk teen die Noordelike oorlogsvloot ingespan is, het hy eerder die oseane deurkruis op soek na Noordelike handelskepe. Hy was uiters suksesvol hiermee, en deur die handelskepe te kaap het hy wêreldberoemdheid verwerf. Sy faam is deels daaraan toegeskryf dat die skip nie die bemanning van verowerde skepe leed aangedoen het nie, en hulle weer vrygelaat het sodra dit 'n neutrale hawe aangedoen het. In 1863 en in 1864 het dit die Kaapse hawe aangedoen, onder meer vir vars voorraad, maar ook om van sy gebuite skepe te verkoop.[3] Die liedjie sou dan tydens hierdie besoeke ontstaan het.