Zaini Abdullah
From Wikipedia, the free encyclopedia
dr. H. Zaini Abdullah (lahé di Beureunuen, Mutiara, Pidie, Aceh, 24 uroe Buleuën Peuët 1940; umu 83 thôn) nakeuh sidroë peujuang GAM. Gopnyan lam GAM neuduëk seubagoë meuntroë lua nanggroë Geurakan Acèh Meurdèka ngön neumeujuang lam bhaih diplomasi di lua nanggroë. Nibak thôn 2012 sampoë 'an thôn 2017, gopnyan neuduëk seubagoë Gubernur Acèh. Lam Pilkada thôn 2012 gopnyan ka geupiléh lé rakyat Acèh jeut keu gubernur Acèh ngön waki gopnyan Muzakir Manaf rot Partai Acèh.[1]
Di Acèh meujan nan gopnyan geukheun seubagöë Abu Doto, saweuëb gopnyan nakeuh sidroë ureuëng chik nyang geuhoreumat lé rakyat Acèh.
Bak thôn 1976, yôh Teungku Hasan Muhammad di Tiro ureuëng chik nyang peudong Geurakan Acèh Meurdèka ka geupeunyata prang keu peumerèntah Indonesia, Zaini Abdullah neutamöng lam Geurakan nyan ngön jeuët keu sidroë peunasihat utama Hasan di Tiro. Nibak thôn 1981, Zaini Abdullah ka neuikôt langkah Hasan di Tiro keu neujak duëk u neugara Swèdia, watèe nyan gopnyan neuteubiët dari Indonesia rot Medan ngon na neupiyôh hana trép di Singapura.